VOV4.K’ho – Ngai òr 30/5, Mpồl đơng lam Đảng Mpồl ling sền gàr tiah nhàr lơgar càr Daknông bơyai lơh Pơrjum sền wơl bơh sơn rờp 5 nam mu\t lơh jat Kơrnoat sồ 98 bơh Mpồl đơng lam Đảng Mpồl ling sền gàr tiah nhàr lơgar dê bè “Tơnguh jơnhoa cồng nha broă lơh bơta chài măy mok bơh Mpồl ling sền gàr tiah nhàr lơgar dê tàm tu\ tơngai pa”. Tơnơ\ 5 nam lơh jat mờ mu\t lơh bơta chài măy mok tàm Mpồl ling sền gàr tiah nhàr lơgar càr Daknông neh tam gơl pa broă đơng lam, atbồ mờ lam mu\t lơh, lơh geh bơta bơtàu tơnguh jak chài tàm broă lơh bơta chài măy mok; bơh hơ\, sền gàr di tu\ mờ wil tơl phàu crong phan tam lơh, ai ngui măy mok geh bơta niam lơh geh jơnau kờn kơnòl broă sền gàr gơnoar tờm ù tiah dà lơgar, lơngăp lơngai tiah nhàr lơgar dà lơgar dê. Đơs tàm dơ\ pơrjum, Thiếu tướng Hoàng Đăng Nhiễu đơs niam ngan broă lơh đơng lam, atbồ mờ lam lơh geh bơta jak chài ngan ngồn tàm broă lơh bơh kuang bàng đơng lam ală kơnă dê. Mơkung đơs tờm, Mpồl đơng lam Đảng Mpồl ling sền gàr tiah nhàr lơgar càr Daknông pơn jat tai sền gròi bơcri priă blơi măy mok mờ lam bơto bơtê, pơlam ngui bơta jak chài măy mok tàm broă lơh ai ling klàng in. Sùm sền sơ wì pơlam tàp bơta jak chài tàm broă lơh ờs mờng tơnguh jơnhoa jơnau gi\t wa\ ai kuang bàng cau lơh broă măy mok in; Kơlôi sơnơng dan geh broă lơh sền gàr niam măy mok ai ală broă lơh lơh broă ờs mờng sền gàr tiah nhàr lơgar dipal mờ jơnau sồr bơh kơnòl broă dê.

Cau cih mờ yal tơngi\t- Lơ Mu K’ Yến