VOV4.K’ho - Lơh jat jơnau bơ to sồr Bác Hồ dê “Pơr lòng là kờ` gơboh dà lơgar, kờ` gơboh dà lơgar den pal pơr lòng mờ ală cau pơr lòng là ală cau kờ` gơboh dà lơgar ngan rlau jơh”, 5 nam do, srơh pơr lòng lơh ngan geh jai pha geh Mpồl đơng lam ling klàng [òn dờng Kontum, càr Kontum lam lơh uă ngan, mut lơh ngai sơlơ geh cồng nha, pơgồp bơnah lơh gơs bơta tam gơl niam ngan tàm broă mut lơh kơ nòl sền gàr dà lơgar, ling klàng tàm [òn lơgar.

Nàng srơh pơr lòng lơh ngan geh jai pha lơh geh cồng nha niam, Trung tá Nguyễn Hoàng Nam, Chính trị viên Mpồl đơng lam ling klàng [òn dờng Kontum pà git, mpồl neh chài ngan pơgồp bal đah pơr lòng sùm mờ pơr lòng uă jat tu\ tơngai; gơ jat bal srơh pơr lòng mờ ală dơ\ pơrjum chính trị “Kis tài dà lơgar, tài làng bol, tài cau tờm, hìu nhă, gơp bơyô”, kuơ màng chồl pràn bơsram, lơh jat ơnà jak, rài kis Bác Hồ tàm gùt mpồl. Bơh 5 nam mut lơh, srơh neh lơh gơs bơta tam gơl niam ngan tàm git wă, broă lơh bơh tơl nă kuang bàng, cau ling dê, pơgồp bơnah bơt bơtàu mpồl ling [òn dờng pràn kơldang, kơ\ kơljap bè chính trị, nùs nhơm. Trung tá Nguyễn Hoàng Nam pà git: “Tàm 5 nam mut lơh broă lơh pơr lòng pà khà jờng mờ srơh pơr lòng lơh ngan geh jai pha, mpồl ling [òn dờng neh lơh geh uă cồng nha kuơ màng ngan. Lài ngan là pơgồp bơnah bơt bơtàu mpồl ling [òn dờng pràn kơldang kơ\ kơljap bè chính trị, nùs nhơm, mpồl bal, ngan là mpồl tam lơh pin dờn, jơh nùs mờ cấp uỷ Đảng, gơnoar atbồ tàm [òn lơgar. Dơ\ 2 là neh pơgồp bơnah mut lơh niam broă cribơyai mờ cẩp uỷ, gơnoar atbồ tàm [òn lơgar mut lơh kơnòl sền gàr dà lơgar, ling klàng, ai geh bơta [uơn nàng [òn lơgar in bơtàu tơnguh lơh sa, chài rơgơi, mpồl bơtiàn.”

Tơnơ\ 5 nam mut lơh, srơh pơr lòng lơh ngan geh jai pha neh pơgồp bơnah bơt bơtàu tiah rơcang gàr [òn dờng ngai sơlơ kơ\ kơljap, gàr niam ngap lơngai chính trị, ờ do ờ dă mpồl bơtiàn tàm [òn dờng. Rùp să cau ling, dân quân tự vệ, cau rơcang lài lam sồr ngai mang ơm gak, tu\ lơi kung rơcang lài tam lơh, sền gàr bơta ring lơngai bơh làng bol dê là tềl tơnggo\ niam ngan bơh nùs nhơm tài làng bol drơng lơh, ai go\ loh làng ngan nùs nhơm cau ling kac màng tàm tơngai pa. Bi ùr Nguyễn Thị Hồng, Tiểu đội trưởng Tiểu đội dân quân tự vệ sơnah [òn Quang Trung, [òn dờng Kontum đơs: “A` sùm guh gờ`, kơlôi rơcang broă tàm hìu nhă, siam kòn hơ\sồng geh jơnau hòi tu\ gơlik ghe bơta aniai den a` tus mơ. Bơklau a` dê sùm lòt lơh broă ngài mờ hìu nhă mơya kung gam pơn jờng a` lơh ngan, ală cau ùr dân quân, ùr ling klàng lơh gơtùi den he kung gơtùi lơh sơl.”

Tàm dùl tàm ală tiah mut lơh lài broă lơh cụm dân quân tự vệ tàm 19 [òn, bơh mut lơh, broă lơh neh brồ guh cồng nha, sền gàr ngap lơngai, ờ do ờ dă tàm sơnah [òn Quang Trung. Khà tung kơ`au, bơta lơh aniai tus ngap lơngai ờ do ờ dă neh gơmù uă ngan. Bơh mờr 70 nă cau tus bal mpồl dân quân sơnah [òn, tus tu\ do, khà cau tàm mpồl kờ` is mut tàm tàm mpồl neh rlau 110 nă. Pah ngai, ală cau dân quân lòt sền, ngan là tàm ală tiah kuơ màng, rơcang lài git go\ ală cau lơh aniai, cau tìs, pơgồp bal mờ mpồl kuang àng bơsong di tu\; mơkung rềp làng bol, git bơta kơp kờ` làng bol dê nàng geh broă lơh bơsong tơn tàm [òn lơgar. Ồng Phạm Thanh Đoan, kuang atbồ mpồl đơng lam ling klàng sơnah [òn Quang Trung, [òn dờng Kontum pà git: “Bè mpồl dân quân, bol a` rơwah ơruh pơnu, cau klau bơh 18 tus 45 sơnam, cau ùr bơh 18 tus 40 sơnam, tơl pràn să jan, geh tơl nùs nhơm kac màng, ai geh bơta pin dờn bơh làng bol dê. Den tàng mpồl do tus tềng lơi, den tàng bol ndrờm pin dờn mờ geh bơta dong kờl ai mpồl in. Kuơ màng là ală dơ\ lòt lơh broă hờ bơdìh, lòt lơh broă lam sồr làng bol den geh làng bol pin dờn, kờ` gơboh mờ dong kờl jơh nùs ngan.”

Tơnơ\ 5 nam mut lơh srơh pơr lòng lơh ngan geh jai pha, [òn dờng Kontum geh 88 mpồl bal mờ 164 nă cau geh khà jờng pơr lòng jak ngan. Uă nam sùm, mpồl ling [òn dờng geh Bộ Quốc phòng, gah đơng lam Quân khu V pà bằng khen mờ bùng bi pơr lòng lơh jơh jak ngan kơnòl broă. Brồ guh cồng nha lơh geh, tơngai tus, mpồl đơng lam ling klàng [òn dờng Kontum pơnjat tai gàr bè ờs, mut lơh jrô ơnàng srơh pơr lòng lơh ngan geh jai pha; lơh gơs bơta pơn jờng tơnguh bơta pràn tam lơh tàm gùt mpồl, pơgồp bơnah gàr kơ\ ngap lơngai chính trị, ờ do ờ dă gùt mpồl bơtiàn tàm [òn dờng.

                                                             Cau cih mờ yal tơnggit K’Duẩn