VOV4.K’ho – Mpồl đơng lam lơh tam gơl pa sền gròi ai ngui adat boh lam dà lơgar dê pơrjum dơ\ 2 tàm mho òr 11/1, cribơyai mờ tă pơgồp jơnau đơs bè rơndăp cih jơnau yal tơn jơh broă lơh tam gơl pa sền gròi ai ngui adat boh lam nam 2016; gùng dà broă lơh mờ kơnòl broă nam 2017 mờ rơcang broă lơh broă bơh Mpồl đơng lam nam 2017 dê. Chủ tịch lơgar Trần Đại Quang mơkung là Kuang atbồ Mpồl đơng lam lơh tam gơl pa sền gròi ai ngui adat boh lam dà lơgar dê đơng lam dơ\ pơrjum. Tàm dơ\ pơrjum, ală kuang bàng tàm Mpồl đơng lam đơs niam ngan rơndăp cih jơnau yal tơn jơh broă lơh tam gơl pa sền gròi ai ngui adat boh lam nam 2016; gùng dà broă lơh mờ kơnòl broă nam 2017 mờ rơndăp cih Broă lơh broă bơh Mpồl đơng lam dê tàm nam 2017 neh geh rơcang lài niam ngan. Bè gùng dà broă lơh, mờ kơnòl broă bơh Mpồl đơng lam dê tàm nam do, jơnau yal kờn pal đơs loh jơnau kờn bơh lơh tam gơl pa sền gròi ai ngui adat boh lam dê, broă lơh dờng màng lơh tam gơl pa sền gròi ai ngui adat boh lam tus nam 2020, mơkung kờn pal đơs loh, broă lơh kơ\ kơl jăp mpồl kuang bàng bơh ală anih lơh broă yal yă dê; broă bơ\t bơtàu mpồl kuang bàng lơh broă sền gròi ai ngui adat boh lam, dong kờl sền gròi ai ngui adat boh lam; broă yal loh làng song dơ pă tàm broă lơh sền gròi ai ngui adat boh lam.

Cau cih mờ yal tơngi\t- Lơ Mu K’ Yến