VOV4.K’ho – Mho òr 12/8, Mpồl đơng lam tam cah, tồt `jrong tiah nhàr dà lơgar càr Daknông bơyai lơh sền wơl broă tam cah, tồt `jrong tiah nhàr dà lơgar đang ù gờl Việt Nam – Campuchia 6 nhai bồ nam mờ mut lơh rơndap broă, kơnòl broă 6 nhai lồi nam 2016. Jat jơnau đơs, tàm 6 nhai bồ nam, broă tam cah, tồt `jrong tiah nhàr dà lơgar đang ù gờl Việt Nam – Campuchia gơl lòt gan càr neh lơh geh ờ uă cồng nha ngan ngồn. Tàm 6 nhai lồi nam, bal mờ broă pơnjat tai chồl pràn yal jơnau tơnggit, mblàng yal, Mpồl đơng lam tam cah, tồt `jrong tiah nhàr dà lơgar càr Daknông tơr gùm mut lơh ờ uă kơnòl kuơ màng bè lòt sền bơta geh ngan ală bă tiah tồt `jrong, `jrong bơ tơl… neh geh lơh mờ sền gròi ngan ngồn; pès wàs, lòt sền, rơndap ù tiah gùng nhàr lơgar; lơh sră nggal tam cah, tồt `jrong tiah nhàr tus mờ ală bă tiah, gơl gùng tiah nhàr dà lơgar neh geh ringbal tàm bă tiah ngan ngồn.