VOV4.K’ho - Ngai òr (10/1), Mpồl đơng lam Tây Nguyên neh bơyai lơh pơrjum tơn jơh broă lơh nam 2016, ai tơl^k gùng dà, kơnòl broă lơh nam 2017. Thượng tướng Tô Lâm, Bộ trưởng Bộ kuang àng, Atbồ mpồl đơng lam Tây Nguyên neh đơng lam pơrjum. Pơrum neh sền wơl uă broă tàm tiah do bè ală broă ờ pràn tàm broă sền gàr brê, ù mờ dà, pal bơsong mơ tàm tơngai tus. Jăt mpồl đơng lam Tây Nguyên yal, nam 2016, ală càr tàm tiah do tìp uă ngan kal ke, mờ trồ prang jo\ bơh bồ nam mờ mìu jo\ tàm lồi nam. Mơya, Tây Nguyên gam geh uă cồng nha niam bè lơh sa mpồl bơtiàn, sền gàr lơngăp lơngai dà lơgar geh gàr niam. Geh pơnrơ ngan, kờp jơh khà geh lơh tàm nam 2016 bơh 5 càr Tây Nguyên geh 151 rơbô tơmàn priă, tơnguh mờr 7,5% jăt mờ nam 2015. Rài kis tơl nă cau geh mờr 40 tơlăk priă. Lơh sa suơn sre tơnguh wơl mhar tơnơ\ mờ rềs àr bơh trồ tiah. Ală càr neh pơgồp bal cồng nha uă khà priă kờ` bơ\t bơtàu [òn lơgar pa. Khà hìu rơ[ah tàm tiah do pơn jăt tai tơmù, tu\ do gam 15%, mìng is càr Lâm Đồng mìng gam 5,17%.

Kung di tàm pơrjum dơ\ do, Thượng tướng Tô Lâm neh pà làng bol kòn cau mờ cau rơ[ah tàm Tây Nguyên, tơl càr 2 rơbô pò phan satềp, ndrờm mờ 1 tơmàn priă; pà phan satềp làng bol ală kơnhoàl kơh bơnơm ală càr rềp bal mờ Tây Nguyên mờ khà geh bơh 200 tus 800 tơlăk priă.

Cau cih mờ yal tơng^t Ndong Brawl