VOV4.K’ho - Drim òr (17/7), tàm [òn dờng Pleiku, càr Gia Lai, mpồl đơng lam Tây Nguyên neh bơyai lơh pơrjum tơn jơh ing broă lơh nam 2017. 6 nhai bồ nam do, khà tơnguh lơh sa 5 càr Tây Nguyên geh mờr 8%, khà kờp jơh phan geh lơh mờr 62 rơbô tơmàn priă; broă hòi jà bơcri priă geh tam gơl niam.

Mpồl đơng lam Tây Nguyên đơs, bu\ lah geh ờ uă cồng nha kuơ màng, mơya broă lơh sa mpồl bơtiàn tàm Tây Nguyên gam uă kal ke, ờ pràn. Tiah kă bro bu\ lah geh tơnguh mơya gam uă kal ke.

Ală càr ờ hềt bơ\t bơtàu geh khà măt kă bro phan geh lơh bơh broă lơh sa suơn sre dê, kal ke tàm broă jòi drà kă bro phan geh lơh bơh broă lơh sa suơn sre mờ ờ hềt sền gròi di pal broă tam phan tơnguh uă is, tàm hơ\ geh pơnrơ ngan là tiêu.

Broă sền gàr brê cồng nha ờ hềt uă. Broă ù tiah pơn jăt tai gơbàn uă kal ke, tàm hơ\ uă ngan là ai ù ală rơndăp broă lơh ring niam [òn ơm kis làng bol in.

Cau cih mờ yal tơng^t Ndong Brawl