VOV4.K’ho – Ngai òr (29/02), tàm [òn dờng Buôn Ma Thuột, càr Daklak, Mpồl đơng lam Tây Nguyên pơgồp bal mờ Gah bơto bơtê mờ bơsram dà lơgar, Gah lơh broă – cau ling sồt să mờ mpồl bơtiàn dà lơgar bơyai lơh pơrjum tơn jơh 5 nam mut ngui kơrnuat sồ 1951 bơh kuang gơs gơnap gơnoar atbồ hơđang rlau jơh dà lơgar dê bè broă bơtàu tơnguh bơto bơsram mờ bơto broă lơh tàm Tây Nguyên tơngai bơh nam 2011 tus nam 2015. Jat jơnau yal tàm pơrjum, tơnơ\ 5 nam mut lơh jat kơrnuat bơh gơnoar atbồ lơgar dê bè bơtàu tơnguh bơto bơsram mờ bơto broă lơh ală càr Tây Nguyên mờ ală kơnhoàl tiah kơh bơnơm đah tàm gùl lơgar rềp mờ Tây Nguyên, cồng nha bơto bơsram tàm gùt tiah do hời rơ hời geh tơnguh, ròt hìu bơsram tàm ală kai bơsram ngai sơlơ geh rề ơnàng. Tàm pơrjum, ală kuang bàng neh geh jơnau đơs bè ală bơta gam ờ niam bè: broă bơto bơtê cau lơh broă Tây Nguyên in tu\ do mìng tơr gùm tàm broă tơnguh khà ală hìu bơsram mờ ờ hềt sền gròi tus cồng nha bơto bơtê. Bơta bơto broă lơh ơruh pơnu in, ngan là ơruh pơnu kòn cau ờ hềt geh sền gròi mờ bơcri dipal; bơto bơtê rơcang lài hìu bơsram dờng tàm hìu bơsram dờng mờ tàm hìu bơsram rơcang lài gam geh bơta ndrờm bal. Broă lơh kơ\ hìu bơsram, mut lơh ală broă lơh ờ hềt drơng jơnau kờ` tài ờ tơl priă mut lơh.

                                               Cau cih mờ yal tơngit K’ Duẩn.