VOV4.K’ho – Drim òr 5/1, tàm [òn dờng Kon Tum, mpồl đơng lam Tây Nguyên bơyai lơh pơrjum tơn jơh broă lơh nam 2015 mờ mut lơh kơnòl broă nam 2016. Tềng đap bơta đơng lam bơh Đại tướng Trần Đại Quang, kuang atbồ Gah kuang àng dà lơgar, kuang atbồ mpồl đơng lam Tây Nguyên, ală kuang bàng neh kơlôi sơnơng, cribơyai đal git rơndap broă, kơnòl kuơ màng broă lơh nam 2016.

Ồng Trần Đại Quang đơs lam sồr tàm dơ\ pơrjum

Tàm hơ\ tơr gùm tàm bơta hòi jà bơcri priă, bơtàu tơnguh phan bơna gùng lòt, bơ tơt rơbòng dà; sền gàr brê, rơndap tap sèng tam gơl pa anih suơn dờng tam sền gàr brê di dà lơgar atbồ; broă lơh bơsong kal ke bè ù lơh sa, ù ơm, broă lơh, tơmù rơbah; lơh sir phan bơna, tơnguh cồng nha bơto bơsram, bơto broă lơh, sền gròi pràn kơldang să jan, tam gơl niam rài kis làng bol ală kòn cau tiah sar lơgar ngài, tiah nhàr lơgar, gàr niam bơta ntrờn ơm kis khat gơboh; cribơyai bè broă bơt bơtàu, bơtàu tơnguh mpồl tam klac jơi bơtiàn; lam sồr hòi jà cau geh bồ tơngoh jak cau kơđơng ỳang, cau geh bơngă pin dờn tàm làng bol kòn cau; bơt bơtàu mpồl đơng lam broă lơh jat yang mờ bơtàu tơnguh mpồl kuang bàng atbồ dà lơgar bè jat ỳang ală kơnă; sơlơ tam klac mờ ală càr tiah nhàr lơgar Lào, Campuchia gàr kơ\ gơnoar tờm ngap lơngai tiah nhàr lơgar tàm tơngai pa; broă lơh bơt bơtàu, tơnguh bơta niam mpồl duh broă Đảng mờ ròt mpồl lơh broă gùng dră bal tàm [òn lơgar.

Dơ\ pơrjum.

                                                          Cau cih mờ yal tơngit K’ Duẩn.