VOV4.K’ho - Drim òr (19/8), mpồl đơng lam Tây Nguyên neh pơgồp bal mờ Gah lơh broă-cau ling sồt să mờ mpồl bơtiàn dà lơgar bal mờ mpồl lơh broă dunia lơgar Đức neh bơyai lơh pơrjum “Broă lơh kờ` tơnguh niam broă bơto broă lơh di pal mờ broă kờ` anih lơh broă tàm ală càr Tây Nguyên”. 5 nam do, kes priă Dà lơgar neh dong kờl broă bơto broă lơh tàm Tây Nguyên rơlao 900 tơmàn priă, geh 13% khà priă ală rơndăp broă bơto broă lơh tàm gùt lơgar. Bu\ lah bơta pràn bơcri priă uă, mơya bơta niam bơto broă lơh tàm ală hìu bơto tàm tiah do ờ hềt uă, broă rơwah cau bơsram mờ jơnau g^t wă bơh làng bol dê bè broă bơto broă lơh gam ờ pràn. Bal mờ hơ\, broă ai khà tơnguh bơtàu lơh sa mpồl bơtiàn, tàm hơ\ uă ngan là tơnguh bơtàu bota pràn tiah lơh sa mờ măy mo\k, anih lơh sa kă bro ờ ndrờm bal mờ broă bơto broă lơh, ngui cau lơh broă; ờ hềt rơcang tàm broă bơto broă lơh, ai cau lơh broă tus lơh broă tàm ală anih lơh sa kă bro in.

                    Cau cih mờ yal tơng^t Ndong Brawl