VOV4.K’ho – Mho òr 15-5, lơh broă sùm mpồl đơng lam Tây Nguyên lơh broă mờ mpồl kuang bàng càr Ratanakiri lơgar Campuchia bơh ồng Thong Sa Vun kuang atbồ càr do lơh kuang lam bồ mpồl. Tơngai do, ală càr tàm tiah do neh mut lơh niam broă lơh tam klac kă bro, bơcri priă mờ sền gàr ngap lơngai tiah nhàr 2 lơgar, pơgồp bơnah sơlơ bơtàu tơnguh git gơp “lơgar rềp bal lơh bơyô, tam klac bơtàu tơnguh” đah 2 dà lơgar. Mơya bơta tam klac đah Tây Nguyên lơgar Việt Nam mờ tiah đah tô mattơngai lik lơgar Campuchia kung ờ hềt dipal mờ bơta pràn bơh 2 lơgar dê, tàm tu\ ală mpồl sò tơm gam jòi kai nàng tam cah bơta git gơp lơh broă bal. Lơh broă sùm mpồl đơng lam Tây Nguyên mờ mpồl kuang bàng càr Ratanakiri neh cribơyai, ringbal tàm tơngai tus, 2 gah geh pơnjat tai chồl pràn tam klac uă rlau tai, ngan là tàm gah sền gàr dà lơgar, sền gàr ngap lơngai, kơ\ kơljap tàm gùng nhàr lơgar, sơlơ cribơyai jơnau tơngit, chul chồl kă bro ală [òn làng bol ơm kis kềng 2 gah gùng nhàr lơgar.

                                                               Cau mblàng K’ Duẩn