VOV4.K’ho – Ngai òr 9/12, pơrjum dơ\ 12 Mpồl duh broă ala mat làng bol càr Dak Nông kơnă 2 neh lời dùl ngai nàng cribơyai tàm mpồl mờ cribơyai bal tàm hìu pơrjum. Bơdìh mờ broă cribơyai ală khà bơtàu tơnguh tàm nam 2015 mờ rơndap broă nam 2016, ală rơndap cih kơrnuat yal tàm dơ\ pơrjum, kuang bàng tơr gùm cribơyai lơh loh ală mpồl bơta geh đơs là kal ke tu\ do mờ cau te\ khà sền gròi. Đơs tơn jơh cribơyai, ồng Nguyễn Bốn kuang jat jơng atbồ Anih duh broă làng bol càr Dak Nông cih dờp ală jơnau đơs, tơngume mờ kuang bàng cribơyai, sồr lơh loh. Kuơ màng tàm gah lơh sa suơn sre, Anih duh broă làng bol càr Dak Nông geh đơng lam mpồl lơh broă geh gơnoar kờp sền, cribơyai broă lơh mùl màl tàm atbồ, sền gàr brê, bơtàu tơnguh lơh sa suơn sre mut ngui công nghệ pa, chồl mhar tơngai tam brê ala. Ală gah bè rơndap ù tiah, atbồ rơndap ù tiah, phan bơna gùng lòt… Anih duh broă làng bol càr cih dờp mờ geh đơng lam krà` cê kờ` bơsong geh cồng nha ală bơta ờ niam, ờ pràn bè neh yal.

                                                                    Cau cih mờ yal tơngit K’ Duẩn.