VOV4.K’ho - Drim òr (04/2), mpồl duh broă Đảng càr Dak Lak bơyai lơh pơrjum kuang bàng đơng lam tòm càr do dê kờ` yal mhar bè cồng nha pơrjum dờng Đảng gùt lơgar dơ\ 12, tơngai lơh broă bơh nam 2015 tus 2020.

Đơs tàm dơ\ đơng lam pơrjum, ồng Phạm Minh Tấn, kuang jăt jơng atbồ mpồl duh broă Đảng càr Dak Lak neh đơs tòm: mờ ală tơngu me neh geh iăt tàm pơrjum, ală kuang bàng đơng lam tòm rơcang lơh rơndăp broă, bơyai lơh di tu\ tàm anih lơh broă, [òn lơgar kờ` geh cồng nha uă ngan. Ồng Phạm Minh Tấn neh sồr tàm tơngai tus, ală gah, mpồl lơh broă pal kah tus ờ uă broă lơh tòm: rơcang nền nòn mờ bơyai lơh ai kuang bàng, làng bol wă rò satềp nam pa Bính Thân mờ nùs nhơm chờ hờp, gơboh gơbài, niam ờ do ờ dă mờ tềm pềr, di pal mờ bơhiàn chài rơgơi niam bơne\ lơgar Việt Nam dê; lam sồr làng bol lơh jăt niam ală gùng dà, broă lơh bơh Đảng, adăt boh lam Dà lơgar dê, tơnơ\ satềp, ală gah, mpồl lơh broă, ală kơnhoàl pal tơrgùm mơ tàm broă lơh jăt ală kơnòl tàm nam 2016, tàm hơ\ kuơ màng ngan là dơ\ te\ khà Gơnoar ala măt dà lơgar kơnă 14 mờ pồ kuang bàng tàm mpồl duh broă ala măt làng bol ală kơnă tơngai bơh nam 2016 tus 2021…

        Cau cih mờ yal tơng^t Ndong Brawl