VOV4.K’ho – Drim òr 24/01, kềng dơ\ Pơrjum dờng gùt lơgar dơ\ XII bơh Đảng dê, ồng Vũ Trọng Kim kuang geh jơng tàm Mpồl duh broă Đảng Dà lơgar kơnă XI mơkung là Kuang jat jơng atbồ Kuang dong broă Anih duh broă gah tề lam gùng dră bal dà lơgar Việt Nam pà gi\t, 4 gơnoar broă đơng lam dờng màng kơnă XII neh geh Mpồl duh broă Đảng Dà lơgar kơnă XI yal tơlik mat nàng pồ.

Ồng Vũ Trọng Kim pà gi\t: Ồng Nguyễn Phú Trọng kuang atbồ đơng lam Đảng dà lơgar kơnă XI geh yal tơlik mat nàng pồ lơh Kuang atbồ đơng lam Đảng dà lơgar kơnă XII; ồng Trần Đại Kuang là kuang geh jơng Gah Gùng dră bal dà lơgar kơnă XI, mơkung là Kuang atbồ Gah Kuang àng dà lơgar geh yal tơlik mat nàng pồ lơh Kuang atbồ lơgar; ồng Nguyễn Xuân Phúc kuang geh jơng Gah Gùng dră bal dà lơgar kơnă XI mơkung là Kuang jat jơng gơs gơnăp gơnoar atbồ hơđang rlau jơh dà lơgar geh  yal tơlik mat nàng pồ lơh Kuang gơs gơnăp gơnoar atbồ hơđang rlau jơh dà lơgar mờ mò Nguyễn Thị Kim Ngân kuang geh jơng Gah Gùng dră bal dà lơgar kơnă XI mơkung là Kuang jat jơng atbồ Gơnoar ala mat dà lơgar geh yal tơlik mat nàng pồ lơh Kuang atbồ Gơnoar ala mat dà lơgar. 4 gơnoar broă đơng lam dờng màng do neh geh Mpồl duh broă Đảng dà lơgar kơnă XI yal tơlik mat nàng pồ. Jat ồng Vũ Trọng Kim, tu\ Pơrjum dờng kơnă XII bơh Đảng dê tơn jơh mờ broă yal tơlik mat nàng pồ 4 gơnoar broă dờng màng lơh geh cồng nha bè broă lơh rơcang kuang bàng lơh broă bơh Mpồl duh broă Đảng Dà lơgar kơnă XI dê den ồng Nguyễn Phú Trọng at tơn gơnoar broă dờng màng kơn jơ\ kơn ju\t bơh he dê. Pe gơnoar broă gam wơl là Kuang atbồ lơgar, Kuang gơs gơnăp gơnoar atbồ hơđang rlau jơh dà lơgar mờ Kuang atbồ Gơnoar ala mat dà lơgar pal kơ\p tus pơrjum dơ\ dùl, Gơnoar ala mat dà lơgar kơnă XIV. Dilah Gơnoar ala mat dà lơgar ring bal pồ jơh bal 3 nă kuang bàng do den tu\ hơ\, ală kuang bàng hơ\, hơ\ sồng ngan ngồn dờp lơh kơnòl broă.

Cau cih mờ yal tơngi\t- Lơ Mu K’ Yến