VOV4.K’ho – Pơrjum dơ\ 6 bơh Mpồl duh broă Te\ khà Dà lơgar dê bơyai lơh drim òr 8/6, tàm Hà Nội. Mò Nguyễn Thị Kim Ngân kuang atbồ Gơnoar ala mat dà lơgar mơkung là Kuang atbồ Mpồl duh broă Te\ khà Dà lơgar đơng lam dơ\ pơrjum. Dơ\ pơrjum neh yal cồng nha te\ khà Gơnoar ala mat dà lơgar bal mờ 496 nă kuang bàng Gơnoar ala mat dà lơgar geh pồ; 320.360 nă kuang bàng Mpồl duh broă ala mat làng bol ală kơnă geh pồ. Khà cau te\ khà lòt te\ khà uă ngan geh rlau 99%. Jơnau pal chờ hờp ngan là bơta lơngăp lơngai gùng dră bal rơndăp tăp sèng ờdo ờdă gùt mpồl bơtiàn tàm gùt lơgar geh lơh ờdo ờdă ngan. Pơndrờm mờ jơnau kờn neh ai tơlik, dơ\ te\ khà neh ờ pồ tơl khà kuang bàng Gơnoar ala mat dà lơgar kung bè kuang bàng Mpồl duh broă ala mat làng bol ală kơnă. Mùl màl, kuang bàng Mpồl duh broă ala mat làng bol kơnă ntum ờ tơl rlau 6 rbô nă; kơnă kơnhoàl là 120 nă; rơndăp tăp sèng kuang bàng ờ hềt lơh geh, ngan là khà kuang bàng là cau ùr. 3 càr ờ geh kuang bàng là cau ùr hơ\ là Thừa Thiên- Huế, Quảng Nam, Tây Ninh; Khà cau ờ geh Đảng dùl e\t ngan; bè rơndăp tăp sèng pơgồp bal, kòn cau geh 86 nă, ờ tơl 4 nă, cau ùr 133 nă, ờ tơl 17 nă pơndrờm mờ rơndăp lài; Hơđơm 40 sơnam geh 71 nă kuang bàng geh pồ, jơnhoa rlau 21 nă pơndrờm mờ rơndăp lài. Tàm khà 496 nă kuang bàng Gơnoar ala mat dà lơgar kơnă XIV geh 317 nă kuang bàng lơh broă tàm Gơnoar ala mat dà lơgar dơ\ sơn rờp. Kuang bàng tơlik mat te\ khà is là 2 nă, gơmù 2 nă cau pơndrờm mờ Gơnoar ala mat dà lơgar kơnă XIII.

Cau cih mờ yal tơngi\t- Lơ Mu K’ Yến