VOV4.K’ho – Drim òr 2/12, Mpồl git gơp lơh bơyô Việt Nam mờ Lào càr Dak Lak bơyai lơh pơrjum sền mờ đơs bè cồng nha lơh broă nam 2015, mut lơh broă lơh nam 2016 mờ tìp mat cau tàm mpồl di tơngkah 40 nam ngai sơn tờm dà lơgar Lào. Tàm dơ\ pơrjum, ală kuang bàng neh iat jơnau yal bè bơta mut lơh hìu nùs nhơm cau lòt ling bal tus mờ cau tàm mpồl rơbah gơtìp sơnơm khih điôxin lơh aniai; ală broă lơh bơyai lơh sa tềp bơhìan yau Bunpimay ai cau Việt Nam jơi lơgar Lào in tàm ntum Krông Na, kơnhoàl Buôn Đôn; bơyai lơh mpồl kuag bàng lòt còp 4 càr Atapư, Sêkông, Salavan, Chămpasak nàng bơsram, tam pà mờng chài tàm broă bơt bơtàu, bơyai lơh broă mpồl mờ nùs nhơm tam klac rềp mềr đah làng bol 2 jơi bơtiàn Việt Nam mờ Lào. Nam 2016, Mpồl geh pơnjat tai bơyai lơh mblàng yal gờm chờ ală ngai chờ dờng bơh 2 lơgar dê; jơh nùs bơyai lơh ală broă lơh pơgồp bơnah bơtàu tơnguh bơta git gơp lơh bơyô kuơ màng Việt Nam mờ Lào.

                                                             Cau cih mờ yal tơngit K’ Duẩn.