VOV4.K’ho – Ngai òr 05/01, Mpồl gi\t gơ\p lơh bơyô bal Việt Nam mờ Campuchia càr Dak Nông neh bơyai lơh Pơrjum tơn jơh broă lơh nam 2015 mờ mu\t lơh kơnòl broă nam 2016.

Jat jơnau đơs, tàm nam 2015, Mpồl gi\t gơ\p lơh bơyô bal Việt Nam mờ Campuchia càr Dak Nông neh lơh jat tơngume broă lơh, broă rơndăp lơh, rơcang lài lơh niam broă pơgồp bal, lơh bal mờ ală kơnă, ală gah mờ ală tiah nàng sơlơ lơh tai ală broă lơh dong broă, mblàng yal, gùng dà broă lơh mờ kơrnoat boh lam bơh Dà lơgar dê bè jơnau pal jat bè tiah nhàr lơgar ai làng bol tàm tiah nhàr lơgar tàm càr Dak Nông. Tàm dơ\ pơrjum, kuang bàng đơng lam càr Dak Nông đơs niam ngan ală cồng nha mờ mpồl gi\t gơ\p lơh bơyô bal Việt Nam mờ Campuchia càr Dak Nông dê neh lơh geh tàm tơngai lài. Mơkung đơs tờm, tàm tơngai tus, Mpồl gi\t gơ\p lơh bơyô bal Việt Nam mờ Campuchia càr Dak Nông kờn pal pơn jat tai sền gròi tus broă lơh bơ\t bơtàu mờ bơtàu tơnguh mpồl, cau tàm mpồl kung bè dan mờ kơnă geh gơnoar geh bàr pe gùng dà broă lơh, pơgồp bal bơh mpồl dê nàng pơgồp bơnah tơnguh jơnhoa cồng nha broă lơh mờ lơgar ndai, sơlơ tam klac tai nùs nhơm gi\t gơ\p lơh bơyô bal đah 2 lơgar Việt Nam mờ Campuchia.

Cau cih mờ yal tơngi\t- Lơ Mu K’ Yến