VOV4.K’ho - Drim òr 27/02, tàm Hà Nội, Mpồl gròi sền bơh Anih duh broă sùm Gơnuar ala mat dà lơgar dê geh dơ\ lơh broă mờ Gơnuar atbồ lơgar mờ ală gah sơnah lơh broă dà lơgar bè “ Broă mu\t lơh gùng dà broă lơh mờ kơrnuat boh lam dà lơgar dê, tàm broă pơ gồp bal bơtàu tơnguh lơh sa gơ jăt bal mờ sền gàr dà lơgar, mờ bơta ngăp lơngai tàm ù tiah kuơmàng”, uă ngan là tàm ală ù tiah Đah tô mat tơngai mu\t dà lơgar, Tây Nguyên mờ Tiah đah jum măt tơngai mu\t dà lơgar. Ồng Nguyễn Kim Thoa kuang atbồ Anih duh broă sền gàr dà lơgar mờ bơta ngăp lơngai bơh Gơnuar ala mat dà lơgar dê, mơkung là Kuang atbồ Mpồl gròi sền pà gi\t: Tơngai tus, kờn pal lơh pràn broă lơh gròi sền, mơkung dan geh ală broă lơh kờn tơnguh jơnhoa cồng nha mu\t lơh gùng dà broă lơh mờ kơr nuăt boh lam bè pơ gồp bal bơtàu tơnguh lơh sa gơ jăt bal mờ sền gàr niam dà lơgar mờ bơta ngăp lơngai tàm ù tiah kuơmàng tàm làm gùt lơgar. Ồng Nguyễn Kim Thoa, đơs: “ Do là broă kuơmàng dờng ngan, pal pơ gồp bal tàm ù tiah gùt lơgar. Bol he geh lơh di tàm ală broă kuơ, tiah dờng màng tàm ală broă lơh gròi sền. Tơr gùm uă ngan tàm ală ù tiah kuơmàng mờ 3 tiah kuơmàng là Tây Nguyên, đah tô măt tơngai mu\t dà lơgar mờ đah jum măt tơngai mu\t dà lơgar. Tàm hơ\ geh uă gah sơnah lơh broă tàm uă broă lơh krơi is, kuơmàng là ală gah broă dờng màng, geh gơ jăt bơta jal mhar tàm tơngai tu\ do, mơya kung gam pal lơh bè lơi dờng màng jo\ jòng tàm ală nam tus”.