Ngai òr 08/01, mpồl gròi sền bơh anih duh broă sùm gơnuar ala mat dà lơgar bơh ồng Nguyễn Văn Luật kuang jat jơng atbồ anih duh broă kơrnuat oh lam gơnuar ala mat dà lơgar lơh kuang lam bồ mpồl, neh lơh broă nàng sền bè bơta òan, tìs tàm broă mut ngui adat boh lam bè lơh glài kup màng, lah yă lơh glài kup màng mờ broă mut lơh tơm wơl cau gơtìp òan in tàm broă lơh lah yă lơh glài kup màng jat jơnau cih bơh adat boh lam tàm Dak Nông. Đơs tàm dơ\ lơh broă, ồng Nguyễn Văn Luật neh cih dờp ală cồng nha mờ ală anih lơh broă geh gơnuar càr Dak Nông neh lơh geh tàm broă mut ngui adat boh lam bè lơh glài kup màng, lah yă lơh glài kup màng kung bè broă tơm wơl hoàc huơr tus mờ cau gơtìp òan tàm broă lơh lah yă lơh glài kup màng. Ồng kung đơs tờm, jơnau kờ` lơh broă bơh mpồl gròi sền dê là lòt sền bơta ngan ngồn tàm ală tiah, kờ` git loh ală bơta bè mut ngui adat boh lam lơh glài kup màng, lah yă lơh glài kup màng mờ broă tơm wơl hoàc huơr tus mờ cau gơtìp òan tàm broă lơh lah yă lơh glài kup màng, jòi git ală kòl yan, kal ke tàm broă mut lơh lơh glài kup màng tàm ală tiah, bơh hơ\ nàng yal mờ gơnuar ala mat dà lơgar kờ` sền sơ wì crơng gơs ală rơndap adat tàm tơngai tus.

                                                           }au mblàng K’ Duẩn.