VOV4.K’ho – Drim òr 3/3, tàm Hìu Quốc hội, Mpồl gròi sền bơh Quốc hội dê iat Chính phủ yal cồng nha mu\t lơh chính sách, kơrnoat boh lam bè ờdo ờdă phan sa tơngai bơh nam 2011- 2016. Jơnau yal bơh Chính phủ dê pà gi\t: Tơngai bơh nam 2011- 2016 neh crơng gơs geh ală adat boh lam dùl ròt bal drơng broă atbồ ờdo ờdă phan sa. Dơ\ sơn rờp broă lơh ờdo ờdă phan sa neh geh Nghị định lơh glài lơh tìs mờ priă is mờ khà lơh glài gơguh tai uă ngan. Broă lùp sền, lòt sền geh sơlơ lơh pràn tai. Mìng is tàm 2 nam bơh nam 2015- 2016, khà anih gơtìp lơh glài gơguh bơh 17% tus 23%. Đơs tàm dơ\ pơrjum, Pho\ Thủ tướng Vũ Đức Đam, đơs là: bơta ờ pràn ngan rlau jơh tàm broă lơh ờdo ờdă phan sa lơgar he dê tu\ do là tàm ală tu\ lơh gơlik, kă bro, lơh gơs phan, mờ ngui sa gam dềt rah rài. Jơnau bơh ală bơta gam gơkòl tàm broă atbồ ờdo ờdă phan sa pa do ờ go\ di là tài bơh ală bơta ờ pràn jak bơh ală adat boh lam dê ờ mờ là tài bơh broă lam mu\t lơh. Ồng Vũ Đức Đam sồr, tơngai tus, Chính phủ, ală [ộ, gah lơh broă dà lơgar mờ ală tiah kờn pal tam gơl broă lơh bè atbồ ờdo ờdă phan sa.

Cau cih mờ yal tơngi\t- Lơ Mu K’ Yến