VOV4.K’ho - Drim òr 03/02, Mpồl gròi sền Kuang ala mat Gơnuar ala mat dà lơgar càr Dak Lak bơh ồng Y Khút Niê kuang jăt jơng atbồ Mpồl kuang ala mat Gơnuar ala mat dà lơgar càr Dak Lak lơh kuang atbồ mpồl neh geh dơ\ lơh broă mờ Anih duh broă làng bol càr Dak Lak bè broă làng bol ntrờn ơm kis bơdìh mờ broă rơndăp lơh tàm càr. Đơs tàm dơ\ lơh broă, ồng Y Khút Niê, đơs la: Anih duh broă làng bol càr Dak Lak kờ` pal tơnguh rlau tai broă lơh đơng lam gơnuar ătbồ ală kơnă tus mờ broă lơh rơndăp tăp sèng kơ\ kơl jăp làng bol bòn lơgar, sền do là kơ nòl broă gùng dră bal geh bơta dờng màng mờ kơ\ kơl jăp jo\ jòng. Ală jơnau đơs tă pơ gồp bơh ală kuang bàng dê bè bơta kal ke mờ bơta lòng tus mờ broă làng bol ntrờn ơm kis bơdìh mờ broă rơndăp lơh tàm càr, Mpồl kuang ala măt Gơnuar ala mat dà lơgar càr Dak Lak geh tơr gùm wơl mờ yal mờ Gơnuar ala mat dà lơgar, Gơnuar atbồ lơgar in kung bè ală gah sơnah lơh broă dà lơgar geh gơ rềng nàng geh ală broă lơh dong kờl mờ bơsong dipal.