VOV4.K’ho – Drim òr 12-5, tàm Hà Nội, Mpồl kơnòm dềt dà lơgar bơyai lơh tơngah 74 nam ngai crơng gơs mpồl kơnòm pa tàu lam lài Hồ Chí Minh mờ jàu khà jờng Kim Đồng nam 2014 – 2015. Đơs tàm dơ\ bơyai lơh, bi Nguyễn Long Hải, kuang atbồ mpồl ơruh pơnu dà lơgar, kuang atbồ mpồl duh broă kơnòm dềt dà lơgar neh jờngrơ ală cồng nha lơh geh bơh ală kơnă mpồl kơnòm dềt, srơh broă lơh, broă lơh kơnòm pa tàu, kơnòm dềt, bi Nguyễn Long Hải đơs tờm, tam gơl pa, bơceh pa tàm ală srơh, broă lơh mpồl kơnòm dềt tơngai lài hời rơhời bơtàu tơnguh bè tơngume bal mờ broă lơh, lơh geh bơta gơrề pràn ngan, gơhòi geh gal ngan kơnòm dềt, kơnòm pa tàu tus bal. Uă srơh kơnòm dềt, dơ\ lam sồr lơh geh cồng nha ngan ngồn bè tă pơgồp geh rlau 6.300 mpồl iar mờ git nđờ jơt tơmàn priă bal mờ àu mpha, sră pơàr tus hìu bơsram ai kơnòm dềt geh rài kis kal ke in, mờr 800 rbô broă lơh dong kờl hìu nhă geh khà sră dong kờl bơh dà lơgar mờ sền gàr [làng tơp bồc cau ling chơt màng geh mut lơh. Bơh hơ\, geh uă kơnòm dềt, kơnòm pa tàu geh pơnrơ jak. Tu\ do geh rlau 6 tơlak nă cau tàm mpồl kơnòm dềt, kơnòm pa tàu geh khà jờng sau gơlòng sồr Bác Hồ dê.

                                                                                                                                         Cau mblàng K’ Duẩn.