VOV4.K’ho - Tu\ do, ală càr Tây Nguyên geh g^t nđờ 10 rơbô lồ kơphe neh kra cồng nha tơnhào ờ uă, pal tam wơl. Kờ` dong kờl cau tam kơphe tơmù khà priă bơcri tàm broă tam wơl kơphe, mờ geh sơntìl kơphe pràn, nam do, mpồl kơphe ca cao Việt Nam mờ anih lơh sa kă bro Nestle Việt Nam bơcri priă rơlao 3 tơmàn 500 tơlăk priă kờ` anih lơh sa kă bro Ea Kmat lơh geh 300 rơbô tòm sơntìl kơphe TRS1, 300 rơbô tòm bơkiar cồng mờ rơlao 4 rơbô 100 k^ gar sơntìl kơphe Robusta geh khà niam kờ` dong kờl làng bol ală càr Tây Nguyên in. Ồng Đào Hữu Hiền, gơnoar jăt jơng atbồ anih lơh sa kă bro Ea Kmat pà g^t: “Anih lơh sa kă bro neh bơcri priă blơi phan lơh broă, hìu ơn ù, hơ\ sồng măy tơrdih ù. Kờ` lơh bè lơi ù lài mờ tu\ neh ơn tàm kơl dung kờ` ờng geh ìs tơngai kờ` tơmù bơta geh tu luh tàm ù kung bè ală bơta bơsềt lơh aniai. Khà niam kơl dung ơn ù geh tơl niam mờ anih lơh sa kă bro geh bơyai lơh ờng gar tam is 4 sơntìl kơphe: TR4, TR9, TR11, TR12 kờ` tuh dà tam cah is mờ geh gar sơntìl bơta do ai làng bol in tam kung bè anih do geh ờng tơn gar TRS1 do ai làng bol in drơng tàm broă tam wơl”.

Cau mblàng Ndong Brawl