VOV4.K’ho – Dờp jơnau jà bơh Mpồl đơng lam atbồ Đảng Cộng sản lơgar Tây dê, Mpồl kuang bàng ala mat Đảng he dê bơh ồng Phạm Minh Chính kuang geh jơng Gah Gùng dră bal dà lơgar, Kuang đơng lam Đảng dà lơgar, Kuang atbồ Mpồl bơyai lơh Dà lơgar lam bồ lòt Pơrjum dơ\ 37 bơh Đảng Cộng sản lơgar Tây dê. Pơrjum dờng dơ\ 37 bơh Đảng Cộng sản lơgar Tây dê geh lơh bơh ngai 2/6 tus ngai 5/6/2016 tàm càr lơgar Pari, lơgar Tây. Đơs tàm Pơrjum dờng Đảng Cộng sản lơgar Tây, ồng Phạm Minh Chính tơngo\ nùs nhơm ngoh rơngac tu\ lòt Pơrjum dờng, tơngo\ nùs nhơm niam bơne\ bơh Đảng Cộng sản Việt Nam dê tus mờ Đảng Cộng sản lơgar Tây, kung bè tơngo\ nùs nhơm niam bơne\ bơh làng bol Việt Nam dê gơ wèt tus mờ làng bol lơgar Tây. Kuơmàng, Đảng Cộng sản lơgar Tây là tiah Bác Hồ lài do neh geh tu\ tus bal crơng gơs mờ tàm jơh ală tu\ tơngai tam lơh kăc màng, ală cau cộng sản lơgar Tây sùm tò dong làng bol Việt Nam mờ ală cau cộng sản Việt Nam.

Cau cih mờ yal tơngi\t- Lơ Mu K’ Yến