VOV4.K’ho - Mpồl kuang bàng sền gròi bơh anih duh broă sùm Gơnoar ala măt dà lơgar pa lơh broă mờ anih duh broă làng bol càr Gia Lai bè broă lơh jăt broă dong kờl adăt boh lam bè sền gàr, ngui ù tàm ală anih lơh sa suơn sre brê bơnơm dà lơgar sền gàr tơngai bơh nam 2004 tus 2014. Jăt kuang bàng đơng lam càr Gia Lai yal, gơl^k geh ală anih lơh sa kă bro suơn sre, brê bơnơm lơyài gơdờp bal mờ anih lơh sa kă bro, ờ pràn tàm broă sền gàr ù tiah mờ ờ tơl pràn bơcri priă. Tu\ ală anih lơh sa kă bro do tam gơl gơs anih lơh sa kă bro brê bơnơm, broă lơh kung ờ tơnguh pràn tài ờ geh priă, ờ geh phan bơna kờ` càn priă. Mpồl lơh broă sền gàr brê ờ gal, tàm 1 nă cau geh dờp 1 rơbô lồ brê den tàng kal ke ngan tàm broă sền gàr geh cồng nha. Tàm tu\ hơ\, ală kơrnoăt, broă lơh bè brê bơnơm gam ờ pràn, ờ hòi jà geh làng bol, anih lơh sa kă bro, ală anih lơh sa kă bro bơcri priă tàm broă sền gàr, tam brê. Càr Gia Lai dan mờ dà lơgar pal geh ală kơrnoăt, broă lơh di pal tus mờ broă sền gàr mờ tam brê.

Cau mblàng Ndong Brawl