VOV4.K’ho – Mho ngai 16/9, ồng Lê Hoài Trung, Ủy viên Đảng dà lơgar, Thứ trưởng Bộ Ngoại giao, bal mờ mpồl kuang bàng neh geh dơ\ lơh broă mờ Thường trực Tỉnh ủy Dak Nông bè broă lam lơh broă lơh mờ lơgar ndai tàm càr do. Tàm ală nam do, càr Dak Nông neh lam lơh niam gùng dà lơh broă mờ lơgar ndai lơh tờm is, ring lơngai, lơh broă bal mờ bơtàu tơnguh bal mờ li la ngan ală git gơp dunia, kuơmàng là mờ càr Mondulkiri, lơgar Campuchia.

Tàm gùng nhàr lơgar càr Dak Nông rềp mờ lơgar Campuchia, broă lơh sa mpồl bơtìan ngai sơlơ bơtàu tơnguh. 2 gah neh lơh niam broă pơgồp bal, cribơyai broă gơlik geh bơh kòp Covid-19 mờ lam lơh broă atbồ, sền gàr, tiah nhàr dà lơgar, rơcang sơndră cau tìs, lòt sền 2 gah nàng sền gàr ờ do ờ dă `jrong tồt tiah nhàr dà lơgar, sơn tơp jrong lơh tềl đah 2 càr…

Tàm dơ\ lơh broă, Thứ trưởng Bộ Ngoại giao, ồng Lê Hoài Trung kơp kờ` càr pal sơlơ lơh broă bal, dờp lơh oh mi mờ ală tiah tàm lơgar mờ lơgar ndai, nàng gơ hòi gơ jà ală bơta pràn chul chồl bơtàu tơnguh lơh sa mpồl bơtìan. Bộ Ngoại giao tu\ lơi kung rơcang dong kờl Dak Nông lơh bal, sơlơ lơh broă bal dunia.

Cau mblàng K’Duẩn