VOV4.K’ho - Di tàm tơnkah dờng Phật đản, Phật lịch 2561, ngai òr (08/5), mpồl kuang bàng ala măt ală gah, mpồl lơh broă tàm càr Dak Lak neh tus còp ală hìu yàng phờk tàm càr do.

Tàm ală anih tus còp, kuang bàng đơng lam càr Dak Lak neh chờ gờm ală cau atbồ, cau kơ đơng yàng phờk bal mờ cau jăt yàng phờk sùm pràn kơl dang mờ pơn jăt tai ai broă lơh gah jăt yàng phờk Việt Nam đơs bal mờ broă lơh mpồl cau jăt yàng phờk càr Dak Lak đơs is sơlơ ngai sơlơ tơnguh bơtàu, di pal mờ broă pin dờn bơh ală cau jăt yàng dê, pơn jăt tai lam sồr ală cau jăt yàng lơh jăt gùng dà “Yàng phờk lơh jăt adăt boh lam – dà lơgar – chủ nghĩa xã hội”, pơgồp bal kuơ màng tàm broă bơ\t bơtàu dà lơgar. Hoà thượng Thích Châu Quang, Atbồ Ban Trị sự yàng phờk Việt Nam tàm càr Dak Lak neh ưn ngài broă sền gròi, ală nùs nhơm niam bơne\ bơh kuang bàng đơng lam càr Dak Lak neh ai gah jăt yàng phờk in. Mờ tơnơ\ nùs nhơm chờ hờp bè ală broă tơnguh bơtàu càr Dak Lak dê bal mờ Dà lơgar tàm ală nam do.

Cau cih mờ yal tơng^t Ndong Brawl