VOV4.K’ho – Pơn jat tai dơ\ lòt còp mờ lơh broă tàm Việt Nam, drim òr 31/9, Mpồl kuang bàng dờng màng ala mat gah tề lam gùng dră bal dà lơgar Lào bơh ồng Saysomphone Phomvihane, Kuang geh jơng Gah Gùng dră bal dà lơgar, Kuang atbồ Anih duh broă gah tề lam gùng dră bal dà lơgar Lào bơ\t bơtàu dà lơgar lam bồ neh lòt còp mờ lơh broă tàm Mpồl duh broă bơta jat yàng Gơnoar atbồ lơgar Việt Nam. Lơh broă mờ Mpồl duh broă bơta jat yàng Gơnoar atbồ lơgar Việt Nam, ồng Saysomphone Phomvihane đơs niam ngan bàr anih lơh broă neh ki\ jơnau ring bal tam klac lơh broă bal bơh nam 2007. Ồng Saysomphone Phomvihane kơ\p kờn tơngai tus geh uă rlau tai bơta tam klac lơh broă bal tàm ală broă. Mơkung sồr Việt Nam dong kờl tàm broă lơh sră nggal bơto nàng drơng broă bơto bơtê kuang bàng lơh broă gah bơta jat yàng.

Cau cih mờ yal tơngi\t- Lơ Mu K’ Yến