VOV4.K’ho - Dờp jơnau jà bơh Đảng làng bol dà lơgar Campuchia, Mpồl kuang bàng dờng màng Đảng dà lơgar he bơh ồng Lê Hồng Anh kuang geh jơng Gah gùng dră bal dà lơgar, lơh broă sùm tàm mpồl đơng lam Đảng dà lơgar lơh kuang lam bồ mpồl neh tus còp ngan ngồn lơgar Campuchia, bơh ngai 7 tus ngai 10/6. Mho òr 8-6, tàm hìu lơh broă Đảng làng bol dà lơgar Campuchia tàm càr lơgar Phnôm Pênh, mpồl kuang bàng dờng màng Đảng dà lơgar he neh geh dơ\ cribơyai mờ mpồl kuang bàng dờng màng Đảng làng bol lơgar Campuchia bơh ồng Sai Chhum kuang geh jơng tàm mpồl lơh broă sùm, kuang atbồ mpồl mpồl lơh broă sùm Đảng làng bol dà lơgar Campuchia, kuang jat jơng atbồ Gơnoar ala mat dà lơgar Campuchia lơh kuang atbồ mpồl. 2 gah ringbal đơs là, pal lơh ngan bơt bơtàu mờ sơlơ tơnguh rlau tai git gơp tam klac lơh bơyô ờs mờng mờ bơta tam klac tơl làm đah 2 Đảng, 2 dà lơgar. Do là dùl tàm ală bơta kuơ màng gàr niam bơta jai pha bơh broă lơh bơt bơtàu mờ sền gàr dà lơgar tàm tơl lơgar. Ồng Lê Hồng Anh đơs tờm, gùng dà broă lơh ờ tam gơl lơgar Việt Nam dê là sùm sền dờng màng mờ ai lài tàm broă sơlơ bơt bơtàu mờ bơtàu tơnguh git gơp tam klac lơh bơyô mờ tam klac tơl làm Việt Nam mờ Campuchia, tài bơta bơtàu tơnguh pas sơm bơh tơl lơgar dê, tài ngap lơngai, kơ\ kơljap, tam klac mờ bơtàu tơnguh tàm kơnhòal mờ tàm dunia.

                                                                                     Cau mblàng K’ Duẩn.