VOV4.K’ho - Dờp jơnau jà bơh đại tướng Phùng Quang Thanh kuang atbồ gah sền gàr dà lơgar he, ồng Dato Seri Hishammuddin Tun Husein kuang atbồ gah sền gàr dà lơgar mờ mpồl kuang bàng dờng màng Gah sền gàr dà lơgar Malaysia neh lam bồ tus còp ngan ngồn dà lơgar he bơh ngai 24-25/2/2015. Drim òr 25/02, dơ\ wa\ mpồl kuang bàng dờng màng gah sền gàr dà lơgar Malaysia neh geh lơh dờng ngan tàm hìu lơh broa\ gah sền gàr dà lơgar. Dơ\ tus còp Việt Nam dơ\ do bơh mpồl kuang bàng dờng màng gah do nàng pơnjat tai tơngguh, lơh niam bơta git gơp wa\ bal, pin dờ` bal bơh làng bol mờ ling klàng bơh 2 lơgar. Tàm bùi cri bơyai broa\, Gah sền gàr dà lơgar 2 lơgar neh bal sền wơl cồng nha tam klac gah sền gàr dà lơgar 2 lơgar tàm tơngai lài bơh sra\ cih kah bè tam klac sền gàr dà lơgar ky\ nam 2008, kờ` chul chồl tam klac mờ bơt bơtàu mpồl bơtìan ASEAN. Tàm tơngai tus 2 gah geh pơnjat tai chul chồl broa\ lơh tam klac tàm ala\ gah broa\: Cri bơyai mpồl, dong klàs cau bal,  ling tàm dà mờ tam klac bơto bơtê bơsram.