VOV4.K’ho - Mho òr (4/1), mpồl kuang bàng Gơnoar ala mat dà lơgar càr Daklak neh bơyai lơh tìp mat ala\ rnàng cau kuang bàng gơnoar ala mat dà lơgar càr di tu\ tơng kah 70 nam ngai bơyai lơh te\ khà dờng pồ geh Gơnoar ala mat dà lơgar Việt Nam (6/1/1946-6/1/2016).

            Tàm bùi tìp mat, ala\ cau kuang neh tơng kah wơl rài dà lơgar 70 nam crơng gơs mờ bơtàu tơngguh Gơnoar ala mat dà lơgar Việt Nam. Ngai 6/1/1946 neh gơ gơs la dùl tềl kah sàng goh ngan tàm rài kac màng Việt Nam tu\ bơh tềng do tơl cau Việt nam geh gơnoar lơh tờm bơh  cau làng bol dùl dà lơgar geh ngap lơngai. Sơrlèt gan 13 kơna\ tơngai lơh broa\ bơh Gơnoar ala mat dà lơgar Việt Nam, mpồl  kuang bàng Gơnoar ala mat dà lơgar càr Daklak geh 39 na\ cau kuang gơnoar ala mat dà lơgar tàm hơ\ geh ua\ cau kuang  sùm geh lơh broa\ ua\ tơngai, bè ồng Y Ngông Niê Kdăm, ồng Y Wang Mlô Duôn Du\...Ala\ kuang bàng gơnoar ala mat dà lơgar càr Daklak neh ala mat tus nùs nhơm, bơta kơp kờ` bơh làng bol bơtàu tơngguh kơnòl, tus pơrjum, đơs ua\ ngan jơnau kuơ màng pơ gồp bal lơh geh bơsong geh ala\ bơta bơh càr dê mờ dà lơgar.

Tàm [òn dờng Kon Tum,  mpồl kuang bàng gơnoar ala mat dà lơgar càr Kon Tum neh yu\ ryùm bơyai lơh tơng kah 70 nam ngai bơyai lơh te\ khà  dờng sơnrờp (6/1/1946-6/1/2016) mờ tơnjơh broa\ lơh bơh mpồl kuang bàng gơnoar ala mat dà lơgar càr Kon Tum kơna\ 13, tơngai bơh nam 2011-2016.

Kah wơl bơhìan pơn yờ să 70 nam gơnoar ala mat dà lơgar VN, jơnau đơs bơh ală kuang bàng tus bal dơ\ bơyai lơh tơngkah đơs niam uă ngan, ngai te\ khà sơn rờp pồ gơnoar ala mat dà lơgar kơnă 1 ( 6/1/1946) là jơnau kuơ màng ngan tàm rài kah yau jơi bơtiàn Việt Nam. Lòt bal mờ bơta bơtàu tơnguh bơh gơnoar ala mat dà lơgar Việt Nam dê, tàm 13 tơngai lơh broă gơnoar ala mat dà lơgar, cau te\ khà càr Kon Tum neh pồ 35 nă kuang bàng gơnoar ala mat dà lơgar bơh 9 kơnă, ờ kờp ală kơnă 2, 3, 4 mờ 5, bơh nam 1960 tus nam 1975 tài tam lơh, dà lơgar gơtìp tam cah is den tàng ờ bơyai lơh pồ kuang bàng gơnoar ala mat dà lơgar. Bulah tàm tơngai lơi, tềng lơi, tàm gơnoar broă lơh lơi, ală kuang bàng gơnoar ala mat dà lơgar càr Kon Tum kung tus bal jơh nùs, geh uă tă pơgồp tàm ală broă lơh bơh gơnoar ala mat dà lơgar dê, sùm lơh ngan lơh jơh kơnòl bơh cau ala mat làng bol dê.

Tàm [òn drà Gia Nghĩa, mpồl kuang bàng gơnoar ala mat dà lơgar càr Dak Nông bơyai lơh tơngkah 70 nam ngai te\ khà sơn rờp pồ gơnoar ala mat dà lơgar Việt Nam ( 6/1/1946 – 6/1/2016) mờ tơn jơh tơngai lơh broă gơnoar ala mat dà lơgar kơnă 13 ( bơh nam 2011 tus nam 2016)

            Mờ bơnga\ la ala mat làng bol ala\ kòn cau tàm càr mut lơh ala\ gơnoar lơh gơs sơnoa boh lam,  sền gròi dờng màng mờ sền gròi ala\ bơta kuơ màng ngan bơh dà lơgar, mpồl kuang bàng Gơnoar ala mat dà lơgar càr Dak Nông sùm geh lơh broa\ bal đềt mềr mờ làng bol, sùm geh iat jơnau, git bơta kơp kờ`,  bơta kờ` bơh cau te\ khà nàng geh yal wơl di pal mờ Gơnoar ala mat dà lơgar, Dà lơgar. Mpồl neh bơyai lơh ala\ dơ\ sền sơnơng, tus sền gròi jơnau mùl màl jat sơnđan di pal mờ tơnggu me bơh tơl tơngao pơrjum Gơnoar ala mat dà lơgar. Broa\ lơh sền gròi  geh mut lơh mờ mut lơh dùl ba\ jak chài, geh lơh ngan tàm ala\ tơnggu me jat jơnau sơnđan. Nền nòn, tàm tơngai bơh nam 2011-2016, mpồl kuang bàng gơnoar ala mat dà lơgar càr Dak Nông neh bơyai lơh geh 19 dơ\ tam tìp mờ cau te\ khà di ngai du\ tàm [òn lơgar, gơ hòi geh rlau 15 rbô na\ cau te\ khà tus bal mờ 9 dơ\ tam tìp mờ cau te\ khà jat sơnđan mờ tiah ơm kis, anih lơh broa\.

          Cau cih mờ yal tơnggit K’ Brọp mờ K’ Duẩn.