VOV4.K’ho – Kung tàm ngai òr (25/9), Mpồl kuang bàng Gơnoar ala mat dà lơgar càr Dak Lak lơh broă mờ Anih duh broă làng bol càr Dak Lak bè broă mu\t lơh gùng dà broă lơh, kơrnoat boh lam bè rơ wah ai lơh broă, atbồ kuang bàng, cau lơh broă sa priă nhai dà lơgar gah bơto bơtê mờ bơsram càr. Đơs pơndu\t dơ\ lơh broă, ồng Y Khút Niê kuang jat jơng atbồ Mpồl sùm lơh kơnòl broă Mpồl kuang bàng Gơnoar ala mat dà lơgar càr đơs niam ngan bơta lơh ngan bơh càr, gah sơnah lơh broă geh gơnoar dê tàm broă lơh atbồ, ngui cau lơh broă sa priă nhai dà lơgar tàm gah bơto bơtê ngai sơlơ lơh broă niam jat di rơndăp tăp sèng, di mờ jơnau cih bơh adat boh lam. Bè ală bơta ờ hềt niam, sồr Anih duh broă làng bol càr Dak Lak kờn pal sồr ală gah lơh broă geh gơnoar kờp sền, geh sră nggal pơyua tus Mpồl kuang bàng Gơnoar ala mat dà lơgar càr Dak Lak in nàng mpồl geh jơnau đơs mờ ală Gah sơnah lơh broă dà lơgar mờ Gơnoar ala mat dà lơgar tàm dơ\ pơrjum mờr tus.

                                             Cau cih mờ yal tơng^t- Lơ Mu K’ Yến