VOV4.K’ho – Mho òr 13/7, mpồl kuang bàng gơnoar ala mat dà lơgar càr Daknông kơnă 13, tơngai lơh broă bơh nam 2011 tus nam 2016 bơyai lơh pơrjum jàu kơnòl broă đah mpồl kuang bàng gơnoar ala mat dà lơgar kơnă 13 mờ kơnă 14. Tàm dơ\ tìp mat, ồng Lê Diễn kuang atbồ mpồl duh broă ala mat làng bol càr Daknông nting sap gờm chờ ală cau geh pồ lơh kuang bàng gơnoar ala mat dà lơgar kơnă 14, mơkung pin dờn tàm tơngai tus, mpồl kuang bàng gơnoar ala mat dà lơgar kơnă 14 càr dê geh lơh jơh kơnòl broă geh jàu. Jat ồng Lê Diễn, geh cau te\ khà pin dờn pồ tàm gơnoar ala mat dà lơgar kơnă 14 là bơta pơn ìơ să ngan mơya do kung là kơnòl kơnjơ\ kơnjut ngan, sồr tơl nă kuang bàng pal lơh ngan, ngai sơlơ bơsram, kơlôi sơnơng sră nggal nàng lơh jơh kơnòl broă he dê mờ cau te\ khà, ngan là mut lơh broă lơh, jơnau pơrgon mờ cau te\ khà. Tơl nă kuang bàng gơnoar ala mat dà lơgar pal rềp mờ làng bol, jòi git bơta kơp kờ` bơh cau te\ khà dê; bơsong jơh ală bơta ờ suk bơh cau te\ khà đơs tus. Ală kuang bàng pal iat, tơrgùm jơnau đơs bal bơh mpồl bơtìan dê nàng bal mờ gơnoar ala mat dà lơgar tơlik kơrnuat tus mờ ală bơta kuơ màng bơh dà lơgar dê.