VOV4.K’ho – Mut lơh broă lơh tìp mờ cau te\ khà lài mờ pơrjum dơ\ 10, Gơnoar ala mat dà lơgar kơnă 13, ngai òr (30/9), mpồl kuang bàng Gơnoar ala mat dà lơgar càr Gia Lai mut lơh tìp mat cau te\ khà ală ntum Kon Thụp, Lơ Pang mờ Đak Jrăng, kơnhoàl Mang Yang. Tàm dơ\ tìp mat cau te\ khà, ala mat mpồl kuang bàng Gơnoar ala mat dà lơgar càr Gia Lai, ồng Hà Sơn Nhin, kuang geh jơng tàm mpồl Đảng dà lơgar, kuang atbồ đơng lam Đảng càr, mơlà kuang atbồ mpồl kuang bàng Gơnoar ala mat dà lơgar càr Gia Lai neh dờp ală jơnau đơs, jơnau dan bơh cau te\ khà dê. Gơ wèt mờ ală kòl yan, ală bơta gơlik geh tàm [òn lơgar, ồng Hà Sơn Nhin đơng lam ală kơnă, ală gah broă lơh bơh càr tus kơnhoàl, ntum bơsong ală bơta di gơnoar he dê. Mờ ală bơta bơdìh mờ gơnoar càr dê, ồng Hà Sơn Nhin hơ geh yal jơnau đơs tus mờ Gơnoar ala mat dà lơgar, Gơnoar atbồ lơgar mờ ală gah, sơnah lơh broă tàm pơrjum dơ\ 10, Gơnoar ala mat dà lơgar kơnă 13, geh lơh bơh ngai 20/10 tus do.

                                                                   Cau cih mờ yal tơngit K’ Duẩn