VOV4.K’ho - Ngai òr (19/02), kờ` drơng tus dơ\ pơrjum dơ\ XI, Gơnoar ala mat dà lơgar kơna\ XIII, Mpồl kuang bàng Gơnoar ala mat dà lơgar càr Lâm Đồng kơna\ XIII bơyai lơh pơrjum geh  jơnau đơs tàm ala\ rơndap adat ta\ dia gơ guh khà pria\,  ta\ dia ngui tac kuơ màng, adat atbồ ta\ dia mờ adat ta\ dia phan tơlik tac mờ lơgar ndai, ta\ dia phan  tơmut bơh lơgar ndai tam gơl. Do la ala\ tơngu me kuơ màng ngan  mờ geh gơ dờp dờng ngan tus mờ khà gơguh lơh sa bơh dà lơgar, bơh hơ\ geh chồl guh lơh tờm bơh làng bol,  mpồl lơh sa ka\ bro, kờ` lơh geh bơta buơn boài ngan tàm broa\ lơh  tus lơh broa\,  bơtàu tơngguh. Tàm dơ\ cri bơyai,  ala\ anih lơh broa\ sùm bơh Mpồl duh broa\ ala mat làng bol, anih duh broa\ gah tề lam gùng dra\ bal  càr, anih duh broa\ làng bol càr, atbồ gah pria\ jền càr, gah rơndap broa\ mờ bơcri pria\ càr, gah lơh broa\ sa mờ bơtàu tơngguh càr, Gah ta\ dia, gah ta\ dia mut lik hờ lơgar cau Dà Làc, ala\ cau kuang geh jơng tàm mpồl dong pơlam adat boh lam mờ ala mat ờ ua\ mpồl lơh sa ka\ bro tàm càr, kờ` bal ring bal mờ  rơndap lơh cih dờp ala\ jơnau kờ` đơs bơh anih duh broa\ sùm Gơnoar ala mat dà lơgar bè ala\ rơndap adat pa geh đơs.

                   Cau cih mờ yal tơnggit K’ Brọp