VOV4.K’ho – Mho òr 9/12, tàm càr lơgar Phnôm Pênh, lơgar Campuchia, tàm ngai lơh broă dơ\ 2 bơh pơrjum pah nam dơ\ 8 mpồl ală Gơnoar ala mat dà lơgar châu Á, hòi pơgồp bal là APA 8, ồng Trần Văn Hằng, kuang atbồ mpồl kuang bàng Gơnoar ala mat dà lơgar Việt Nam, mờ là kuang atbồ Anih duh broă cribơyai mờ lơgar ndai bơh gơnoar ala mat dà lơgar dê neh geh jơnau đơs tàm dơ\ cribơyai bal.

Đơs bè ală bơta tàm dunia tu\ do, ồng Trần Văn Hằng đơs là, bulah tam klac pơnjat tai là gùng dà broă lơh kuơ màng tàm git gơp dunia, mơya bơta tam lơh, rài bol sò tơm iơh bơsak, tam pìt tam phà gơnoar tờm ù tiah mờ ală bơta sền gàr ngap lơngai ờ ờs mờng bè kòp pluh, trồ tiah lơh aniai, tam gơl trồ tiah kung gam gơlik geh kal ke tàm ờ uă tiah. Den tàng ală lơgar pal tam klac bal krà` cê, lơh jat kơrnuat boh lam dunia, cribơyai ngap lơngai, lơh broă git kơrhia mờ geh kơnòl. Gơ wèt mờ lơgar Việt Nam, ồng Trần Văn Hằng đơs tờm, Việt Nam geh rơndap broă bơsong tơl bơta tam pìt tam phà mờ broă lơh ngap lơngai, lơh jat kơrnuat boh lam dunia, sơlơ lơh ngan tam klac mờ ală lơgar tài ngap lơngai, kơ\ kơljap mờ bơtàu tơnguh.

Kung tàm mho òr, mpồl kuang bàng Gơnoar ala mat dà lơgar Việt Nam tus lùp còp ồng Say Chhum kuang atbồ Gơnoar ala mat dà lơgar Campuchia. Jat rơndap broă, pơrjum geh jo\ jòng tus ngai hìng 11/12 mờ ală dơ\ cribơyai bal bè tơngume “ Chul chồl ngap lơngai, bơyai tơr`a mờ cribơyai tàm châu Á” mờ ală dơ\ pơrjum bơh ală anih duh broă APA.

                                                                Cau cih mờ yal tơngit K’ Duẩn.