VOV4.K’ho – Drim òr (03/5), mpồl kuang bàng Quốc hội kơnă 14 càr Kon Tum tìp mat cau te\ khà xã Đak Môn, kơnhoàl Đak Glei. Cau te\ khà dan mờ Quốc hội sơlơ tơnguh rlau tai broă sền gròi jơnhua ngan rơlau jơh ală bơta ờ suk tàm rài kis mpồl bơtiàn, ngan là broă rơcang sơndră sa kuề sa kùa, hoàc huơr; tàm hơ\ pal lơh loh kơnòl bơh ală mpồl bal, cau 1 nă să, cau atbồ ală anih lơh broă, mpồl lơh broă tu\ lời gơlik geh hoàc huơr git nđờ rbô tơmàn priă bơh dà lơgar, làng bol dê. Bal mờ hơ\, pal sền gròi nền cê broă mut lơh jơnau pơrgon bơh ală bộ trưởng, kuang atbồ gah broă lơh tơnơ\ mờ tu\ geh lùp jơnau tàm ală dơ\ pơrjum; mơkung sền gròi broă hơ jơnau dan bơh cau te\ khà bơh ală gah, sơnah lơh broă geh gơ rềng dê.

               Cau cih mờ yal tơnggit K’Duẩn