VOV4.K’ho- Mpồl Kuang bàng Quốc hội càr Kon Tum neh tus tìp măt mờ cau te\ khà tàm ală kơnhoàl: Đăk Tô mờ Ngọc Hồi lài mờ pơrjum dơ\ 10, Quốc hội khoá 14, tơngai lơh broă bơh nam 2016- 2021 nàng kờ` yal bè broă lơh broă bơh pơrjum dơ\ 10 dê mờ iăt kơno ală jơnau đơs, jơnau dan bơh cau te\ khà dê.

Tàm ală dơ\ tìp măt, ală cau te\ khà geh jơnau dan bè bơcri priă lơh phan bơna gùng lòt; yal bè jơnau ai càn priă sa priă cồng uă mờ bàr pe bơta dong kờl bơh làng bol dê. Cau te\ khà kung dan mờ ală gah lơh broă geh gơnoar bơh tiah he dê sơlơ pơgồp bal tai tàm broă gròi sền, bơsong jơnau rơndeh pơndiang hăt ir, pơndiang kơn jơ\ ir lòt rê tàm gùng.

Cau mblàng Lơ Mu K’Yến