VOV4.K’ho- Kuang bàng Quốc hội kơnă XIV càr Lâm Đồng pa geh dơ\ lơh broă mờ Ủy ban Nhân dân càr Lâm Đồng nàng cribơyai, ring bal ală jơnau đơs dan mờ Quốc hội, Chính phủ tàm pơrjum dơ\ pe, Quốc hội kơnă XIV mờr tus. Jat tơrgùm kờp, tàm ală dơ\ tìp mat mờ cau te\ khà tàm tơngai pa do, geh pơgăp 1500 nă cau te\ khà tus bal, geh rlau 350 jơnau lùp bè ală broă gơ wèt uă broă tàm rài kis mpồl bơtiàn. Pơnrơ ngan là cau te\ khà dan mờ Quốc hội kờn pal sơlơ lơh tai broă gròi sền tàm ală broă lơh jat gùng dà broă lơh kơrnoat boh lam bè rơndăp tăp sèng, lơh sa bal mpồl lơh sa kă bro dà lơgar dê; bơsong ală rơndăp broă lơh, broă kuơmàng ờ huan geh cồng nha, hoàc hươr jo\ jòng; broă lơh jat gùng dà broă lơh kơrnoat boh lam bè ngui priă jền Trái phiếu Chính phủ dê, priă càn dồs lơgar ndai nàng bơcri lơh phan bơna, bơtàu tơnguh lơh sa, mpồl bơtiàn; sền gàr niam lơngăp lơngai ờdo ờdă gùng lòt; gròi sền lơh jat gùng dà broă lơh kơrnoat boh lam bè lơh pờng kơnòm dềt, gùng dà broă lơh ai làng bol kòn cau in…Cau te\ khà kung dan mờ Chính phủ gờn geh gùng dà broă lơh bơsong lơh niam wơl broă pồ kuang bàng bu ba khat gơboh tàm ală tiah, lơh pràn tơrmù biên chế, sơlơ tam gơl pa hành chính, geh ală gùng dà broă lơh gàr niam khà priă phan lơh gơs bơh sươn sre mờ ròng phan.

Cau cih mờ yal tơngi\t- Lơ Mu K’Yến