VOV4.K’ho - Ngai òr (06/5), mpồl kuang bàng tàm Gơnoar ala măt dà lơgar càr Dak Lak tìp măt mờ cau te\ khà lài mờ pơrjum dơ\ 9, Gơnoar ala măt dà lơgar kơnă 13. Tàm anih tìp cau te\ khà ntum Bình Hoà, kơnhoàl Krông Ana, geh rơlao 150 nă cau te\ khà bơh ală ntum Quảng Điền, Dur Kmăn, Ea Bông, Băng Adrênh, Bình Hoà mờ [òn drà Buôn Trấp tus bal. Tàm pơrjum, neh geh 20 jơnau đơs bơh cau te\ khà yal bè ală tơngu me: jơnau dan tơnguh broă bơcri priă, lơh niam wơl, bơ\t bơtàu phan bơna, broă lơh gùng lòt, bơtơ\t rơbòng dà; ală broă dong kờl tus mờ cau geh màng, sră nggal lơh broă, sră yal măt ngai deh; cau bơsram dờng neh jơh bơsram mờ geh broă lơh sơlơ ngai sơlơ geh uă, dan ală gah, mpồl lơh broă sền gòr, ai broă lơh, pơlam broă lơh di pal. Cau te\ khà kơ\p kờ` kuang bàng tàm Gơnoar ala măt dà lơgar càr Dak Lak sền gròi mờ geh ală jơnau đơs dan mờ kơnhoàl, càr, dà lơgar sền wơl, bơsong di pal. Ala măt mpồl kuang bàng tàm Gơnoar ala măt dà lơgar càr Dak Lak, ồng Phạm Minh Tấn kuang jăt jơng atbồ đơng lam Đảng càr, neh dờp mờ geh yal tus pơrjum Gơnoar ala măt dà lơgar ală jơnau do tàm tơngai tus do.

Cau mbàng Ndong Brawl