VOV4.K’ho – Mho òr 20/04, Mpồl lơh broă bơh Mpồl lam sồr làng bol dà lơgar bơh ồng Thào Xuân Tùng kuang jăt jơng atbồ Mpồl lam sồr làng bol dà lơgar dê, lam bồ neh geh dơ\ lơh broă mờ càr Dak Nông nàng jòi gi\t bè broă lơh lam sồr làng bol, kòn cau mờ jăt yàng. Đơs tàm dơ\ lơh broă, ồng Thào Xuân Tùng đơs niam ngan ală ]ồng nha kung bè bơta sền gròi bơh ală kơnă, ală gah dê tus mờ broă lơh kòn cau mờ jăt ỳang tàm ù tiah càr dê tàm tơngai lài. Ală jơnau đơs tă pơgồp, jơnau dan bơh càr Dak Nông dê, mpồl geh ]ih dờp mờ yal wơl mờ Dà lơgar in nàng geh sền sơ wì. Ồng Thào Xuân Tùng sồr, tơngai tus, ală kơnă, ală gah tàm càr Dak Nông kờ` pal mu\t lơh geh cồng nha rlau tai ală gùng dà broă lơh bơh Đảng, mờ kơrnoat boh lam dà lơgar dê bè broă lơh kòn cau, mờ jăt yàng, ngan là sơlơ lơh tai broă lơh lam sồr làng bol tàm tiah làng bol kòn cau. Ală gùng dà broă lơh bơh Dà lơgar dê bè dong kờl làng bol kòn cau kung kờ` pal geh mu\t lơh gơ in dipal rlau mờ bơta geh ngan tàm [òn lơgar kờ` mu\t lơh geh cồng nha.