VOV4. K’ho - Ală Mpồl ling dunia bơh lơgar Mỹ lam bồ tàm dơ\ tam lơh tam dră wơl mờ mpồl Dà lơgar Islam- IS đơs tơn pồ is tàm lơgar Iraq mờ Syria tàm ngai òr 22/01, neh pơrjum dơ\ 2  kờp bơh lồi nam 2014 tàm hìu duh broă bơh Mpồl tam klăc ling klàng Đah tô Đại Tây Dương- NATO dê tàm London, lơgar Anh. Dùl tàm ală broă tờm geh cribơyai tàm dơ\ pơrjum do là bơta pơhìn bơh ală cau geh phàu tam lơh tài bơh yàng lơgar ndai, ngòt rơ ngơ\t ngan là geh uă tơ nơ\ dùl ròt dơ\ sò tơm iơh bơsak pa do tàm lơgar Tây. Ală dơ\ cribơyai kung neg đơs tus broă tam lơh mờ ling klàng tam dră wơl ală pôs đồng bơh Dà lơgar Islam- IS dê, kơria` jơh ală priă jền, tam tìp dờng màng mờ dong kờl kòn bơnus tàm tiah do. Ồng John Kerry kuang atbồ Gah Cribơyai broă mờ lơgar ndai lơgar Mỹ, mờ ồng Philip Hammond kuang atbồ Gah cribơyai broă mờ lơgar ndai lơgar Anh đơng lam bal dơ\ tìp măt mờ bơta tus bal bơh Kuang atbồ Gah cribơyai broă mờ lơgar ndai bơh 20 lơgar dê, tàm hơ\ geh bal ală lơgar Arab mờ Thổ Nhĩ Kỳ. Ală mpồl ling dunia do tơr gùm să pơrjum dơ\ sơn rờp tàm kơnă Kuang atbồ Gah Cribơyai broă mờ lơgar ndai dà lơgar tàm nhai 12 nam lài kung geh lơh tàm Brussels, lơgar Bỉ.