VOV4.K’ho- Mpồl ling Đak Tô gơ wèt Ling mpồl 3 lơh broă tàm càr Kontum là mpồl ling 2 dơ\ geh Đảng mờ Dà lơgar jàu pà sră jờng rơ Khin cha jak chài mpồl phàu crong làng bol. Ală ngai pa do, geh kuơ ngan ngồn chờ gờm tơngkah 44 nam Ngai crơng gơs mpồl ling (20/9/1972- 20/9/2016), Mpồl ling Đak Tô gơ wèt Ling mpồl 3 neh lam lơh dơ\ tàm pơrlòng lơh uă mờ tơngume 30 ngai mang lam lài, lơh ngan jơh nùs pha.

Thượng tá Nguyễn Thanh Phong, Kuang atbồ anih duh broă Đảng mpồl ling Đak Tô pà gi\t: lơh jat dơ\ tàm pơrlòng làm uă tàm jơh gùt mpồl ling, kuang bàng, cau ling neh jơh nùs lơh bal uă broă lơh geh kuơ ngan ngồn, lam lài, bơceh pa, ai jơh pràn lơh broă geh cồng nha. Thượng tá Nguyễn Thanh Phong, đơs: “Bol a` geh uă broă lơh, broă rơndăp lơh nàng lơh ai kuang bàng, cau ling in geh bơsram broă lơh tàm sư đoàn gi\t wa\ jrô ơnàng rlau tai bè bơhiàn sư đoàn, sền go\ do là bơta chờ hờp pal pơnìơ să ngan. Bơh ală broă lơh ngan ngồn tàm đơng lam, atbồ, ngan là tơnguh jơnhoa pràn jak rơcang tam lơh bơh kuang bàng, cau ling dê, tơnguh jơnhoa bồ tơngoh gi\t wa\ mờ cồng nha bơto pơlam nàng bơ\t bơtàu sư đoàn pràn kơldang tơl làm, gơ jat bal mờ bơ\t bơtàu mpồl đơng lam Đảng pràn kơldang tơl làm nàng bơ\t bơtàu sư đoàn ngai sơlơ lơh jat di jơnau sồr kơnòl broă geh jàu”.

Tàm tiểu đoàn 15, lơh jat srơh tàm pơrlòng bơh sư đoàn lam lơh, kuang bàng cau ling tiểu đoàn neh rwah tơngume bơ\t bơtàu mpồl ling jak chài, lơh sùm adat lơh glài lơh broă lơh bơtàu tơnguh mhar. Cồng nha, mpồl ling neh tơn jơh geh broă lơh tìs lơh glài. Broă pơlam tàp, rơcang tam lơh, drơng đơng lam, drơng sền mpồl ling lơh gơs niam. Trung tá Trần Đình Loan, kuang atbồ anih duh broă đơng lam Đảng Tiểu đoàn 15, di Mpồl ling Đak Tô, pà gi\t: “Tiểu đoàn ờ geh broă lơh tìs gơtìp lơh glài, kuang bàng cau ling tàm tiểu đoàn iang nùs nhơm bồ tơngoh, gi\t niam kơnòl broă tàm gơnoar broă kơnòl broă geh jàu. Kuơmàng tàm 8 nhai nam do, sư đoàn mờ cơldu\ lơh broă gùng dră bal pà sră jờng rơ ai 6 mpồl cau mờ 11 nă cau in tàm tiểu đoàn”.

Pơnrơ ngan tàm srơh tàm pơrlòng bè tơnguh jơnhoa cồng nha bơto pơlam, rơcang tam lơh geh Đoàn Trung Dũng bal mờ ală cồng nha lơh geh jak ngan, bè: Jơh gùt mpồl ling lơh sùm mờ lơh jat niam broă drơng đơng lam, drơng atbồ, drơng tam lơh, drơng lơh broă ờs mờng; lơh gơs jak ngan kơnòl broă pơlam tàp yal lài tam gơl nùs nhơm rơcang tam lơh.

Pơnrơ ngan bè bơ\t bơtàu mpồl ling tơlir, kloh niam gơ jat bal mờ tơnguh jơnhoa bơta niam rài kis phan bơna mờ nùs nhơm ai kuang bàng cau ling in geh Tiểu đoàn 3, gơ wèt Trung đoàn H8. Bơh priă lơh geh bơh lơh broă lơh sa, Tiểu đoàn 3 neh lơh 2 nơm hìu bơ sềt tàm [làng hìu mpồl ling mờ lơh hìu bềp tru\ gơm phan sa dùl bă bal, ờdo ờdă, geh cồng nha mờ kờp jơh priă tă lơh là gi\t nđờ rhiang tơlak. Đại uý Nguyễn Xuân Thanh, Kuang jat jơng atbồ anih duh broă đơng lam Đảng Tiểu đoàn 3, Trung đoàn H8, Mpồl ling Đak Tô, pà gi\t: “Kuang bàng, cau ling Tiểu đoàn gi\t broă rơcang tam lơh pơlam tàp lơh geh cồng nha jơnhoa ngan rlau jơh nàng chờ gờm tơngkah ngai bơhiàn bơh sư đoàn dê. Bơdìh hơ\ tai, ală broă lơh lơh broă Đảng, broă lơh gùng dră bal geh bơyai lơh mblàng yal bè ngai bơhiàn bơh sư đoàn dê. Kuơmàng là Tiểu đoàn neh bơ\t bơtàu broă lơh đơs crih tam ya nàng tus bal lơh dơ\ lơh đơs crih tam ya kơnă sư đoàn”.

Kơnờm lam lơh niam mờ bơyai lơh srơh tàm pơrlòng geh cồng nha, den tàng rlau 100% kuang bàng, cau ling mpồl ling Đak Tô ndrờm lơh jat is mờ lơh ngan lơh bal tàm srơh tàm pơrlòng. Bơh hơ\, ală bơta ờ hềt lơh geh, ờ hềt pràn jak geh mpồl ling lơh niam wơl. Ală broă niam, bơhiàn geh brồ guh niam tàm jơh gùt mpồl ling. Bơh srơh tàm pơrlòng neh geh uă mpồl cau, cau dùl nă să is pơnrơ jak tàm ală broă. Kuơmàng broă geh lơh bal srơh tàm pơrlòng neh dong rơnàng cau ling kơnòm să tu\ do sơlơ pơnìơ să tai bè bơhiàn bơh sư đoàn dê. Cau ling Đỗ Quang Tiếng, gơ wèt Đại đội 1, Tiểu đoàn 15, Mpồl ling Đak Tô, chờ hờp, pà gi\t: “A` chờ hờp ngan tu\ geh mu\t tàm Tiểu đoàn 15 gơ wèt sư đoàn 10, mpồl ling geh uă cồng nha 2 dơ\ geh pồ pà sră jờng rơ Khin cha jak chài. A` pơnìơ să ngan tu\ geh tă pơgồp tàm srơh tàm pơrlòng chờ gờm tơngkah 44 nam ngai bơhiàn bơh sư đoàn dê, a` hơ là geh lơh ngan jơh nùs jơh pràn lơh gơs jak ngan jơh ală kơnòl broă geh jàu”.

Cồng nha dơ\ tàm pơrlòng lơh uă, lam lài, bơceh pa, ai jơh pràn lơh broă geh cồng nha là cồng nha nàng kuang bàng cau ling mpồl ling Đak Tô chờ gờm 44 nam Ngai crơng gơs mpồl ling 20/9/1972- 20/9/2016. Do kung là broă lơh bơh rơnàng kuang bàng cau ling Mpồl ling Đak Tô tu\ do dê pơn jat tai lơh jat bơhiàn pơnrơ ngan bơh mpồl ling 2 dơ\ geh Đảng, Dà lơgar pồ pà sră jờng rơ Khin cha jak chài mpồl phàu crong làng bol.

Cau cih mờ yal tơngi\t- Lơ Mu K’ Yến