VOV4.K’ho – Bal mờ kơnòl chính trị geh jàu, Mpồl đơng lam ling klàng kơnhoàl Dak Rlâp gam lơh niam broă lam sồr làng bol, tàm hơ\ pơn rơ ngan là dong ngai lơh broă, pơn jờng ală hìu nhă brồ guh bơtàu tơnguh lơh sa. Bơta dong kờl bơh mpồl ling dê neh pơgồp bơnah dong bơt bơtàu mpồl rơcang gàr ling klàng làng bol kơ\ kơljap nàng lơh jơh niam ală broă lơh bè bơt bơtàu [òn lơgar pa:

Ù tiah bơh xã Đạo Nghĩa, kơnhoàl Dak Rlâp, càr Daknông dê ngai sơlơ tam gơl pa. Ală gơl gùng sơmang neh geh lơh làm gùt ală [òn, tơrbo\ mờ gùng chài tiah tờm lòt gan xã. Uă hìu bơsram, hìu sơnơm xã kung geh lơh niam ngan. Tus jơh nam lài, khà hìu nhă r[ah gùt xã mìng gam 2,3%; priă lơh geh tàm dùl nă cau geh 42 tơlak priă. Ồng Nguyễn Văn Quyết, Bí thư mơ là Chủ tịch UBND xã Đạo Nghĩa đơs là, ală tam gơl tus bơh bơta lơh ngan uă bơh mpồl Đảng, gơnoar atbồ mờ làng bol gùt xã dê tàm srơh bơt bơtàu [òn lơgar pa. Tàm hơ\ geh bal mờ bơta dong kờl ngai lơh broă bơh mpồl ling tàm [òn lơgar dê. Ồng pà git: “Xã Đạo Nghĩa tus tu\ do kung neh geh dờp tơl khà [òn lơgar pa. Broă hơ\ den kung geh bơta dong kờl bơh ală mpồl ling kơnhoàl dê, pơn rơ ngan là dong kờl bè ngai lơh broă, priă jền, sơntìl chi tam phan ròng ai ală hìu nhă r[ah in. Anih lơh broă ling klàng kơn hoàl kung neh lơh geh làng bol in ờ uă hìu nùs nhơm, pà kơn rồ hìu nhă r[ah in bơtàu tơnguh lơh sa mờ lik klàs r[ah.”

Tơngai lài mpồl đơng lam ling klàng kơnhoàl Dak Rlâp neh brồ guh bơngă, kơnòl bơh kuang bàng, cau ling dê nàng tă pơgồp bơta pràn, bồ tơngoh jak, mut lơh jrô ơnàng broă lơh bơt bơtàu [òn lơgar pa tàm kơnhoàl. Bè nam do, mpồl đơng lam ling klàng kơnhoàl neh bơyai lơh 2 dơ\ pơs wàs tiah kis jat gah gùng [òn lơgar tàm xã Đạo Nghĩa.        

Kờ` dong làng bol bơtàu tơnguh lơh sa, mpồl đơng lam ling klàng kơnhoàl Dak Rlâp neh bơyai lơh broă lơh dong kờl blơi sơntìl, dong kờl ngai lơh broă tàm broă lơh “Tơnjơh dùl hìu nhă jơgloh, tơmù dùl hìu nhă r[ah”. Bè hìu nhă bi ùr Trần Thị Hương, ơm tàm [òn Quảng Thọ, xã Đạo Nghĩa. Git rài kis kal ke, ờ geh cau lơh broă, pah tu\ tus bồ nhai, ală kuang bàng, cau ling pà hìu nhă bi Hương in 5 ki\ phe. Tơnơ\ hơ\ pà bi ùr Hương in dùl nơm kơnrồ sơntìl nàng bơtàu tơnguh broă ròng phan. Kuang bàng, cau ling sùm tus dong bi ùr sơngka sền gàr chi tam, dong kờl phan lơh niam wơl hìu đam. Bi ùr Trần Thị Hương yal: “Hìu nhă kal ke tài priă jền pal ngui nàng lòt kham kòp pah nhai mờ ròng kòn. Mpồl ling kơn hoàl dong kờl a` in 1 nơm kơnrồ, a` kung chờ hờp ngan ờ git đơs bè lơi, ưn ngài ngan mpồl ling neh dong kờl mè kòn a` dê. A` kung kơp kờ` geh pràn kơldang nàng ròng siam oh kòn.”

Mìng is tàm xã Đạo Nghĩa, tơngai lài, mpồl đơng lam ling klàng kơnhoàl Dak Rlâp neh dong kờl ală hìu nhă r[ah in 2 yô kơnrồ me deh kòn kờp priă rlau 30 tơlak. Mpồl ling kơnhoàl neh dong rlau 400 ngai lơh broă tus bal pơs wàs tiah kis [òn lơgar, lơh niam ală broă lơh drơng mpồl bơtiàn in. Trung tá Y Ngoan Mlô, Chính trị viên mpồl đơng lam ling klàng kơnhoàl Dak Rlâp pà git, tàm tơngai tus, mpồl ling đal git pơnjat tai chồl pràn rlau ală broă lơh, pơgồp bơnah bal mờ [òn lơgar tam gơl muh mat [òn lơgar, chul chồl bơtàu tơnguh lơh sa mpồl bơtìan mờ sền gàr ngap lơngai dà lơgar tàm [òn lơgar. Trung tá Y Ngoan Mlô đơs: “Bơh nam 2012, bol a` neh ki\ mờ xã Đạo Nghĩa tàm broă mut lơh broă lơh bơt bơtàu [òn lơgar pa. Tàm ală nam do, Đảng uỷ, Mpồl đơng lam ling klàng neh pơgồp niam ngan mờ ală gah, mpồl lơh broă ală kơnă, kuơ màng là xã Đạo Nghĩa, lam lơh bơt bơtàu mpồl ling tus bal kơnòl bơt bơtàu [òn lơgar pa. Bè tàm xã Đạo Nghĩa, bol a` tơrgùm uă ngan tàm broă mut lơh broă lơh 19 là bơt bơtàu mpồl sền gàr ngap lơngai, sền gàr dà lơgar pràn kơldang, kơ\ kơljap tàm [òn lơgar, ngan là bơt bơtàu mpồl ling klàng làng bol rơcang gàr is mờ làm gùt ală tiah.”                                    

Ală broă lơh lam sồr làng bol geh cồng nha bơh mpồl đơng lam ling klàng kơnhoàl dak Rlâp neh pơgồp bơnah kuơ màng gàr kơ\ ngap lơngai chính trị, bơtàu tơnguh lơh sa, chài rơ gơi, mpồl bơtiàn, bơt bơtàu mpồl sền gàr dà lơgar, sền gàr ngap lơngai tàm [òn lơgar. Hơ\ kung là tiah nàng pơlam tàp ală kuang bàng, cau ling in bơtàu tơnguh nùs nhơm niam, sơlơ tam klac bal rềp mềl mờ làng bol.

              Cau cih mờ yal tơnggit K’Duẩn