VOV4.K’ho - Ală ngai “Kàl rơlô bơkang lơh broă nùs nhơm is” nam do mờ ală cau ling tàm Tiểu đoàn tàp ling cơ động Mpồl ling sền gàr tiah nhàr dà lơgar càr Dak Lak geh kuơ màng ngan. Tus bal broă lòt lơh broă pơgồp bal mờ lam sồr làng bol, ală ơruh pơnu soh phan ling neh tơnguh bơta pràn, gơnoar lam lài, lơh broă nùs nhơm is bơh ală broă lơh mùl màl dong kờl làng bol ràm ală ntum tiah nhàr dà lơgar kơnhoàl Ea Sup, càr Dak Lak.

Tus bal dơ\ lòt lơh broă pơgồp bal mờ broă lam sồr làng bol tàm tiah nhàr dà lơgar mìng tàm 7 ngai, mơya neh geh mờr 200 nă kuang bàng, cau ling tàm mpồl ling sền gàr tiah nhàr dà lơgar càr Dak Lak neh geh uă broă lơh mùl màl mờ geh kuơ màng. Cau ling Nay Tuấn Niê, Tiểu đoàn tàp ling cơ động C19 mpồl ling sền gàr tiah nhàr dà lơgar càr Dak Lak pà g^t: dờp bal broă lơh nùs nhơm dong kờl is kàl rơlô bơkang nam 2016, dơ\ lòt lơh broă do, ală ơruh pơnu ndrờm lơh ngan pơlòng lơh uă broă niam kờ` dong kờl làng bol. Ală cau lơh gùng tàm [òn, toah wàs rơbòng dà, tam chi, dong kờl làng bol lơh wơl hìu, sơndră mờ trồ prang… Cau ling Nay Tuấn Niê đơs: “A` là cau ling gam kơnòm tàm mpồl ling, den tàng kờ` ngan geh pơgồp bal tàm broă dong kờl làng bol kờ` pơgồp nùs nhơm gơboh bal ling klàng mờ làng bol sơlơ ngai sơlơ đềt mềr rơlao”.

Tơnơ\ mờ 1 poh sa bal, ơm bal, lơh broă bal mờ làng bol tàm ntum Ya Rvê, kơnhoàl Ea Sup, kuang bàng, cau ling tàm mpồl ling sền gàr tiah nhàr dà lơgar càr Dak Lak neh lơh gơs broă lơh niam wơl rơlao 5 kơi sồ gùng lòt tàm [òn, lơh niam wơl 2 broă lơh ai dà ngui sa, tam g^t nđờ rơbô tòm chi tàm ală hìu bơsram, pơs wàs kloh niam gùng lòt tàm [òn… jăt Trung tá Mai Thế Bùi, geh jơng tàm gah gùng dră bal Tiểu đoàn tàp ling cơ động yal, bơh tàm ală broă dong kờl làng bol, cau ling gam kơnòm neh g^t uă rơlao tai bè kơnòl cau ling dê, nùs nhơm niam cau ling wa Hồ dê, sùm tài dà lơgar tài làng bol drơng broă: “Broă lơh jăt broă bơto bơtê kuang bàng, cau ling ai tơl^k niam nùs nhơm geh kơnòl. Do là kơnòl bơh ală kuang bàng, cau ling dê pơgồp bal tàm broă dong kờl làng bol tơnguh bơtàu lơh sa-bơta chài rơgơi-mpồl bơtiàn”.

Lòt làng bol kah, ơm làng bol gơboh, bơh cau kra tus mờ kơnòm sdềt ndrờm chờ hờp ai ală kuang bàng, cau ling tàm mpồl ling sền gàr tiah nhàr dà lơgar in ală nùs nhơm đềt mềr ngan, ồng Bùi Vàng, tàm [òn 3, ntum Ea Bung, kơnhoàl Ea Sup geh mè kra là cau geh màng mờ dà lơgar sùm geh kuang bàng, cau ling tàm mpồl ling sền gàr tiah nhàr dà lơgar tus còp să, lam sồr, dong kờl ngoh rơngăc đơs: “Tàm tơngai pa do, đơs ngan là cau ling sền gàr tiah nhàr dà lơgar càr bal mờ mpồl ling sền gàr tiah nhàr dà lơgar Dak Rvê neh sền gròi uă ngan tus mờ hìu nhă, sùm tus còp să mờ kham kòp a` in. ală oh mi tàm do sùm tus còp mờ lam sồr hìu nhă kờ` gàr niam bơta pràn kơl dang să jan ală cau tàm hìu nhă bal mờ a`. Kờ` a` kis jo\ rơlao mờ ală oh mi, oh kòn in sơlơ chờ…”

Bal mờ ală cau ling gam kơnòm tàm mpồl ling sền gàr tiah nhàr dà lơgar dê, dơ\ lòt lơh broă bal mờ lơh broă nùs nhơm dong kờl is nam 2016 neh geh tai broă mờng chài tàm broă lam sồr làng bol mờ pơlam niam să jan. Đại tá Nguyễn Thanh Hải, kuang jăt jơng atbồ đơng lam mpồl ling sền gàr tiah nhàr dà lơgar càr Dak Lak pà g^t: “Bol a` bơyai lơh lòt lơh broă dơ\ do là kờ` pơlam tàp bơta pràn să jan pơgồp bal mờ broă à`, tui phan `jơ\ mờ lòt lơh broă tàm ù tiah geh brê bơnơm kờ` geh bơta pràn bal mờ nùs nhơm kơl jăp cau ling in. Mờ bơyai lơh dong kờl làng bol lơh broă tàm hìu nhă, dong kờl hìu rơ[ah, hìu jơgloh bal mờ ală hìu kal ke in…”.

                    Cau cih mờ yal tơng^t Ndong Brawl