VOV4.K’ho – Bal mờ kơnòl atbồ, sền gàr gơnoar tờm ngap lơngai tiah nhàr dà lơgar, tàm ală nam do, kuang bàng, cau ling sền gàr tiah nhàr dà lơgar càr Daklak neh jơh nùs tus bal broă lơh bơto bơsram tàm tiah nhàr dà lơgar, dong uă kơnòm bơsam geh rài kis kal ke geh tus hìu bơsram.

Oh H’Huyền Lào ơm tàm [òn Thống Nhất, xã Krông Na, kơnhoàl Buôn Đôn, càr Daklak kòn đời bèp, mè den sùm gơtìp kòp jê, den tàng rài kis hìu nhă dê kal ke ngan. Rơp bơsram ơdu\ 5, mơya pah ngai, oh pal lơh uă ngan broă tàm hìu mờ lơh mìr, den tàng sùm lòt bơsram jơla. Go\ rài kis hìu nhă oh dê, nam bơsram pa do, Gah đơng lam mpồl ling sền gàr tiah nhàr dà lơgar càr Daklak dờp dong kờl, pah nhai dong kờl 500 rbô priă, pà rơndeh coh, sră cih, sră mai\ nàng oh gơtùi tus hìu bơsram. Tơn jơh nam bơsram pa do, oh geh khà jờng kơnòm bơsram jak. Oh H’Huyền Lào đơs: “Hìu nhă sau dê kal ke ngan, kơnờm ală cau ling sền gàr tiah nhàr dà lơgar dong kờl den tàng sau geh kong tàp tus hìu bơsram, geh rơndeh coh nàng lòt bơsram, sau ưn ngài ngan ală cau ling sền gàr tiah nhàr dà lơgar.”

Ndrờm bè hơ\ sơl, oh H’Wich Hwing ơm tàm [òn Ea Rông, oh H’Viết Bkrông ơm tàm [òn Drăng Phốk, xã Krông Na, kơnhoàl Buôn Đôn kung ndrờm là ală kơnòm kòn đời, kong uă bơta siơ\u siar. Uă tu\ ală oh neh sang bơsram, mơya kuang bàng cau ling pôs ling sền gàr tiah nhàr dà lơgar Srêpôk neh tus lam sồr ală oh lòt bơsram mờ dờp dong kờl, gàr tơl priă bơsram ală oh in. Kờp bal gùt gùng nhàr dà lơgar càr Daklak dê, ală pôs ling sền gàr tiah nhàr dà lơgar càr Daklak neh dờp dong kờl 16 nă kơnòm bơsram geh rài kis uă kal ke, mờ khà dong kờl tơl nă oh pah nhai 200 rbô priă, pà rơndeh coh ai 24 nă kơnòm bơsram sơr lèt gan kal ke bơsram jak in.

“Dong oh tus hìu bơsram” là broă lơh geh Gah đơng lam mpồl ling sền gàr tiah nhàr dà lơgar càr Daklak lam lơh bơh nam bơsram 2016 – 2017. Mpồl ling sền gàr tiah nhàr dà lơgar càr dờp dong kờl 40 nă kơnòm bơsram geh rài kis kal ke tàm tiah nhàr dà lơgar. Tàm hơ\, tơl nă kuang bàng tàm gah đơng lam bồ dờp dong kờl 2 nă oh, mờ khà dong kờl tơl nă oh 500 rbô priă pah nhai. Tus tu\ do, kuang bàng, cau ling tàm mpồl ling neh tă pơgồp geh 370 tơlak priă mờ pà 80 nơm rơndeh coh. Ală kơnòm bơsram geh dờp dong kờl neh geh uă broă lơh ngan tàm broă bơsram sră mờ pơlam tàp, geh uă oh geh cồng nha bơsram jak ngan. Ồng Dương Văn Luật, kuang atbồ mpồl dong kờl bơsram kơnhoàl Buôn Đôn, càr Daklak đơs: “Do là broă lơh geh kuơ ngan, là broă lơh niam, dong ală oh tus hìu bơsram. Do là broă lơh geh kuơ, lơh jat gùng dà broă lơh bơh Đảng mờ dà lơgar dê. Mpồl ling sền gàr tiah nhàr dà lơgar neh dong ală oh geh tai bơta nàng tus hìu bơsram, bơt bơtàu mpồl bơtiàn bơsram sră.”

Pơnjat tai brồ guh cồng nha bơh sơn rờp do, nam bơsram pa 2017 – 2018, mpồl ling sền gàr tiah nhàr dà lơgar càr Daklak geh pơnjat tai rề ơnàng broă lơh mờ lơh ngan ờ lời kơnòm bơsram r[ah tàm tiah nhàr dà lơgar pal sang bơsram. Đại tá Phạm Hữu Chiến, Phó Chính uỷ mpồl ling sền gàr tiah nhàr dà lơgar càr Daklak đơs: “Nam bơsram pa do, kuang bàng, cau ling mpồl ling sền gàr tiah nhàr dà lơgar càr pơnjat tai rề ơnàng uă rlau broă lơh do. Khà ală sau geh dờp dong kờl uă rlau tai. Bơdìh mờ bơnah priă bơh gah đơng lam dê, cau ling sền gàr tiah nhàr dà lơgar càr tă dùl êt priă nhai he dê, kơp kờ` là ală mpồl ling, ală cau geh nùs nhơm niam bal mờ mpồl ling sền gàr tiah nhàr dà lơgar dong kờl ală sau in. Lơh bè lơi nàng tiah nhàr dà lơgar ờ lời ală sau geh rài kis kal ke, tài broă lơh sa kal ke mờ ờ geh lòt bơsram.”

Mìng gam êt ngai tai, nam bơsram pa 2017 – 2018 ngan ngồn mut bơsram. Tàm ală tiah kal ke bơh càr Daklak dê, ngan là tiah nhàr dà lơgar, broă rơcang lài bơh sơn rờp neh lơh jơh. Bal mờ gah bơto bơsram, mpồl ling sền gàr tiah nhàr dà lơgar càr Daklak kung sùm lòt bal mờ ală kơnòm bơsram geh rài kis kal ke brồ guh tàm broă bơsram sră nàng geh cồng nha niam ngan rlau jơh.

                                               Cau cih mờ yal tơnggit K’Duẩn