VOV4.K’ho - Mho òr (03/01), Mpồl đơng lam ling sền gàr tiah nhàr dà lơgar càr Gia Lai neh tơn jơh broă sền gàr tiah nhàr dà lơgar nam 2016 mờ lơh jăt kơnòl nam 2017. nam pa do, bơta lơngăp lơngai chính trị, ờ do ờ dă mpồl bơtiàn tàm tiah nhàr dà lơgar càr Gia Lai geh niam; broă lơh ală cau tìs tìs mờ adăt boh lam geh tơngo\ gơmù, mơya broă lơh bơh ală cau jăt mpồl Fulro kis hờ lơgar bơdìh, tin lành đêgar gam kal ke. Ală cau do pơrlồm mờ uă broă lơh krơi is, bơyai lơh lam sồr jăt yàng ờ di pal, bơchồt làng bol kòn cau dô hờ lơgar ndai ờ di pal, lơh jăt broă tam cah is jơi bơtiàn kòn cau, tam cah is 2 lơgar Việt Nam mờ Campuchia… Kờ` gàr niam gơnoar ù tiah bal mờ bơta lơngăp lơngai tiah nhàr dà lơgar, mpồl ling sền gàr tiah nhàr dà lơgar càr Gia Lai neh bơyai lơh mờr 1 rơbô 800 dơ\ sền gròi, krăo, mờ broă tus bal bơh rơlao 4 rơbô kuang bàng, cau ling bal mờ làng bol tàm tiah nhàr dà lơgar tus bal. Mờ ală broă kal ke, mpồl ling sền gàr tiah nhàr dà lơgar càr Gia Lai neh bal mờ mpồl sền gàr tiah nhàr dà lơgar lơgar Campuchia pơgồp bal, bơsong di tu\.

      Cau cih mờ yal tơng^t Ndong Brawl