VOV4.K’ho - Tàm tiah nhàr dà lơgar càr Dak Nông, mpồl ling sền gàr tiah nhàr dà lơgar Nậm Na, xã Dak Wil, kơnhoàl Cư\ Ju\t tàm uă nam do neh lơh jăt niam broă lam sồr làng bol, bơh tu\ hơ\ mpồl ling neh dong kờl uă hìu làng bol rơ[ah tàm tiah nhàr dà lơgar klàs mờ rơ[ah kơnờm bơh broă ròng kơnrồ pơdar bal mờ broă ròng ka tàm dà. Bơdìh hơ\ tai, cau ling tàm mpồl ling do gam lơh jăk broă lơh bal mờ càr Modulkiri, lơgar Campuchia. Cau ai tơng^t jơnau đơs Việt Nam tàm Tây Nguyên geh dơ\ lùp Đại uý Trần Đăng Khoa, chính trị viên phó mpồl ling sền gàr tiah nhàr dà lơgar Nậm Na, xã Dak Wil, kơnhoàl Cư\ Ju\t càr Dak Nông bè broă lam sồr làng bol mờ broă lơh bal mờ lơgar ndai làng bol tiah nhàr dà lơgar dê.

- Niam să Đại uý, geh g^t gùng dà broă lơh bơh mpồl đơng lam ling sền gàr tiah nhàr dà lơgar càr Dak Nông tàm uă nam do là dong kờl phan bơna tus mờ cau rơ[ah tàm tiah nhàr dà lơgar, do là tiah ală mpồl ling sền gàr nhàr dà lơgar geh lơh pôs ling, bè hơ\ mpồl ling sền gàr tiah nhàr dà lơgar Nậm Na neh dong kờl rài kis làng bol in mờ broă lơi?

Đại uý Trần Đăng Khoa: Lơh jăt rơndăp broă gùng dà bơh mpồl đơng lam ling sền gàr tiah nhàr dà lơgar càr Dak Nông bè broă bơyai lơh ală broă dong kờl làng bol tơnguh bơtàu lơh sa, tơn jơh jơgloh, tơmù rơ[ah, tàm ală nam pa do den Đảng uỷ mpồl ling sền gàr tiah nhàr dà lơgar Nậm Na neh lơh ală rơndăp broă bơyai lơh ròng kơnrồ deh kòn mờ ròng ka tàm dà dong kờl làng bol tơn jơh jơgloh, tơmù rơ[ah. Bơh nam 2012 tus tu\ do, broă ròng kơnrồ deh kòn neh geh lơh jăt. Tu\ do, tàm xã Dak Wil geh mpồl ling sền gàr neh tơmù rơ[ah geh 6 hìu. Tu\ do, 2 nơm kơnrồ sơntìl bơh mpồl ling neh deh 6 nơm kòn. Tàm tơngai tus, mpồl ling pơn jăt tai jào 2 nơm kơnrồ me ai 2 hìu pa in ròng. Mờ pơn jăt tai lơh jăt rơndăp broă bơh mpồl đơng lam dê den nam 2016 mpồl ling lơh jăt tai 1 broă ròng ka tàm dà dong kờl làng bol tơnguh bơtàu lơh sa. Bơh tàm khà priă bơh mpồl ling, mpồl ling neh lòt sền mờ ai ing ală tơnao ròng ka bơh làng bol tàm xã mờ làng bol ờ ngui tai, tơnơ\ mờ hơ\ mpồl ling ai kuang bàng, cau ling tus toah wàs kloh niam, mờ tơnơ\ mờ hơ\ tă priă blơi ka cèng ròng kờ` dong kờl làng bè broă ròng. Lài ngan, broă ròng ka do kung neh geh xã đơs là niam ngan, di lah broă ròng ka do mờ 2 hìu sơnrờp geh tơnguh bơtàu, den broă ròng ka do geh tơnguh uă tus tàm gùt xã.

- Bơdìh mờ broă dong kờl làng bol tơn jơh jơgoh tơmù rơ[ah den broă lam sồr làng bol, lam sồr bè gùng dà broă lơh bơh Đảng, adăt boh lam bơh Dà lơgar dê neh geh mpồl ling tiah nhàr dà lơgar Nậm Na lơh bè lơi?

Đại uý Trần Đăng Khoa: Broă lam sồr làng bol là 1 broă lơh bơh mpồl ling sền gàr tiah nhàr dà lơgar dê, lơh jăt ală gùng dà bơh Đảng mờ Dà lơgar, tàm hơ\ kuơ màng ngan là ală rơndăp broă, nghị quyết bơh mpồl đơng lam ling sền gàr tiah nhàr dà lơgar càr dê. Broă lam sồr làng bol tàm rài pa tàm ală nam do den mpồl ling neh lơh jăk niam broă lam sồr làng bol, tàm hơ\ kuơ màng ngan là lam sồr làng bol bè ală gùng dà, broă lơh bơh Đảng, adăt boh lam bơh Dà lơgar dê, ală kơrnoăt bơh xã, kơnhoàl dê. Tàm ală nam do, lơh jăt rơndăp broă lam sồr bơto bơtê adăt boh lam ai kuang bàng bal mờ làng bol tàm tiah nhàr dà lơgar den Đảng uỷ mpồl ling sền gàr tiah nhàr dà lơgar kung neh pơlam niam ai Đảng uỷ, gơnoar atbồ xã in lơh jăt niam ală rơndăp broă do. Bơh tàm broă tơn jơh rơndăp broă lam sồr, bơto bơtê adăt boh lam ai kuang bàng bal mờ làng bol tàm tiah nhàr dà lơgar in, den geh uă ngan cau, mpồl cau neh lơh jăt broă do.

- Broă lơh bal mờ lơgar ndai neh geh mpồl ling sền gàr tiah nhàr dà lơgar Nậm Na lơh bè lơi tus mờ càr rềp bal mờ lơgar he ơ Đại uý?

Đại uý Trần Đăng Khoa: Lơh jăt jơnau đơng lam bơh mpồl đơng lam mờ lơh jăt broă lơh bal mờ lơgar ndai mpồl ling sền gàr tiah nhàr dà lơgar den mờ broă lơh bal mờ lơgar ndai làng bol dê tàm ală nam do den Đảng uỷ, Mpồl đơng lam ling sền gàr tiah nhàr dà lơgar kung neh lơh niam broă pơlam Đảng uỷ, mpồl đơng lam ling sền gàr tiah nhàr dà lơgar càr kung bè Đảng uỷ kơnhoàl mờ UBND kơnhoàl bè broă lơh bal mờ lơgar ndai làng bol dê mờ broă lơh bal mờ lơgar ndai ling sền gàr tiah nhàr dà lơgar dê. Tàm tơngai do, tàm hơ\ uă ngan là tàm satềp pa do den Đảng uỷ mpồl đơng lam ling sền gàr tiah nhàr dà lơgar kung neh pơlam Đảng uỷ kơnhoàl, UBND kơnhoàl bơyai lơh ai 1 mpồl kuang bàng tus còp mờ chờ gờm satềp lơgar hờ đah ne nhàr dà lơgar. Kung pơlam UBND kơnhoàl tă 1 bơnah khà priă dong kờl mpồl ling đah ne nhàr dà lơgar in blơi sơtèk đơ dà sàng, ală kuang bàng, cau ling tàm mpồl ling tus tơs lơphong hìu kờ` tàm kàl prang ờ hoan duh. Bơdìh hơ\ tai, den broă sền gròi tiah nhàr dà lơgar kung geh 2 đah bơyai lơh bal sùm, bơyai lơh sền gròi bal, sền gròi ală `jrong kờ` sền gàr kơl jăp gơnoar tòm ù tiah dà lơgar.

- Ơi, dan ưn ngài Đại uý!

     Cau cih mờ yal tơng^t Ndong Brawl