VOV4.K’ho - Càr Kon Tum geh rơlao 280 kơi sồ gùng nhàr dà lơgar, rềp bal mờ 2 càr Sekong, lơgar Lào mờ càr Rattanakiri, lơgar Campuchia. Kờ` lơh gơs kơnòl mờ dà lơgar bal mờ làng bol pin dờn jàu, kuang bàng, cau ling tàm ală pôs ling sền gàr tiah nhàr dà lơgar càr Kon Tum sùm g^t tus mờ bơta kuơ màng bơh broă bơ\t bơtàu mpồl ling pràn kơl dang tơl ală bơta. Jơnau lài ngan tàm jơnau đơs ngai do, jà làng bol mờ ală bơyô bal mờ cau ling tus còp bal mpồl ling sền gàr tiah nhàr dà lơgar Sesan tàm ntum Ia Tơi, kơnhoàl Ia H’Drai, do là mpồl neh geh 2 nam tơn dờp là mpồl geh cồng nha tàm broă sền gàr tiah nhàr dà lơgar.

Jăt mờ ală mpồl ling sền gàr tiah nhàr dà lơgar gơl nhàr dà lơgar rềp bal mờ lơgar Campuchia, mpồl ling sền gàr tiah nhàr dà lơgar Sesan là mpồl ling ngài mờ anih tàm gùl càr Kon Tum ngan. Tu\ do, tài gùng 14C ờ hềt lơh gơs, kờ` lòt tus hờ mpồl ling do, kuang bàng, cau ling tàm mpồl ling do pal lòt sơdar bơh càr Gia Lai mờ gùng lòt ngài g^t nđờ rơhiang kơi sồ. Ngài mờ tiah tòm, ngài mờ mpồl đơng lam là bè hơ\, mơya ală kuang bàng, cau ling tàm mpồl ling kung gam lơh jăt nền nòn kơrnoăt lơh broă, sùm lam sồr pơlòng kờ` bơ\t bơtàu mpồl ling pràn kơl dang tơl ală bơta. Tàm ală nam do, uă broă lơh geh kuơ màng ngan neh geh mpồl ling lơh sùm mờ geh cồng nha uă bè: bơ\t bơtàu mpồl ling tơlir-kloh-niam; tơnguh broă lơh sa, ròng phan; bơ\t bơtàu kes priă dong kờl mờ pơlam broă bơsram sră, kes priă kis g^t jơnau g^t adăt… Kuang bàng, cau ling lơi kung tơnguh niam nùs nhơm geh kơnòl kờ` bơ\t bơtàu mpồl ling pràn kơl dang tơl ală bơta. Cau ling A Diêm pà g^t: “A` pơnyờ să ngan tu\ geh mu\t tàm mpồl ling Sesan do. Mpồl ling Sesan kung là mpồl ling geh uă cồng nha jăk chài ngan. A` kung kờ` pơgồp bal bơta pràn kờ` dong kờl mpồl ling tơnguh bơtàu, sơlơ ngai sơlơ tơnguh bơtàu ngan”.

Kơnờm mờ broă g^t tơnguh bơta pràn tam klăc bal, lơh tòm, ală kơnòl geh mpồl đơng lam Đảng, mpồl đơng lam ling klàng tiah nhàr dà lơgar Sesan lơh ndrờm geh kuang bàng, cau ling bơyai lơh geh cồng nha tàm nùs nhơm lơh is uă ngan. Cồng nha tàp ling nam 2014 mờ 2015 mpồl ling dê geh 100%, tàm hơ\ geh 71% khà cau jăk. Gùng nhàr dà lơgar, `jrong nhàr dà lơgar mpồl ling sền gàr kơl jăp. Bơdìh hơ\ tai, mpồl ling do gam lơh gơs jăk chài kơnòl sền gròi sră nggal tàm tiah nhàr dà lơgar, di tu\ kơrian cau lòt gan tiah nhàr dà lơgar ờ di pal. Thiếu tá Trần Ngọc Tùng, atbồ mpồl ling sền gàr tiah nhàr dà lơgar Sesan đơs bè ờ uă broă mờng chài tàm boă bơ\t bơtàu mpồl ling pràn kơl dang tơl ală bơta bè do: “Broă mờng chài bơyai lơh geh cồng nha uă sơnrờp ngan mờ mpồl đơng lam Đảng, mpồl đơng lam ling klàng dê là pal tam klăc bal, ring bal mờ tơnguh uă ngan nùs nhơm lơh tòm tàm mpồl ling. Kuang bàng, cau geh Đảng sùm lam lài tàm ală broă, ai tơl^k nùs nhơm pơlòng niam ngan tus tơl ală cau tàm mpồl ling”.

Bal mờ broă lơh gơs jăk chài kơnòl sền gàr tiah nhàr dà lơgar, mpồl ling sền gàr tiah nhàr dà lơgar Sesan là anih geh pơnrơ ngan bè bơsram mờ lơh jăt ơnà jăk Bác Hồ dê mờ lơh jăt kơrnoăt Đảng dà lơgar 4 dê bè ờ uă broă lơh mhar tàm broă bơ\t bơtàu Đảng tu\ do. Mpồl đơng lam Đảng, đơng lam ling klàng ngui bơceh pa tơngu me ală broă lơh bè bơsram mờ lơh jăt ơnà jăk Bác Hồ dê tàm broă lơh mùl màl mpồl ling dê, ai tơl^k nùs nhơm pơlòng bal uă tàm kuang bàng, bal mờ cau ling. Mpồl ling sền kuơ broă bơ\t bơtàu Đảng, bơ\t bơtàu gùng dră bal bơh tàm broă lơh jăt nền nòn broă yal tìs di mờ tìs geh is tus mờ kuang bàng, cau geh đảng dê. Kơnờm mờ hơ\, geh ờ uă boă gam ờ pràn mpồl ling dê, cau 1 nă să dê gam geh den geh bơsong di tu\. Ală cau geh pơnrơ jăk, broă lơh niam bu\ lah ờ dờng kung geh pơn jờng uă. Thượng tá Trần Quốc Tuấn, lơh broă gah gùng dră bal mpồl ling sền gàr tiah nhàr dà lơgar Sesan pà g^t: “Kờ` gàr niam sùm broă bơsram mờ lơh jăt ơnà jăk Bác Hồ dê, tàm hơ\ kuơ màng ngan là broă lơh jăt. Broă lơh mìng ngui niam tàm broă lơh mùl màl mpồl đơng lam Đảng, mpồl đơng lam ling klàng dê. Mpồl đơng lam Đảng đơng lam neh lơh jăt kơrian ală broă mờ ai tus ală mpồl lơh broă in bơsram bal mờ ală broă lơh mùl màl tàm broă bơ\t bơtàu mpồl ling kung bè lơh jăt kơnòl gùng dră bal dê”.

Ờ mìng bơ\t bơtàu mpồl ling pràn kơl dang tơl ală bơta, kuang bàng, cau ling tàm mpồl ling sền gàr tiah nhàr dà lơgar Sesan gam là anih geh pơnrơ ngan mpồl ling sền gàr tiah nhàr dà lơgar càr Kon Tum dê tàm broă lam sồr làng bol. Bơh bơta pràn kuang bàng, cau ling tàm mpồl ling, geh uă gơl gùng tàm [òn ntum Ia Tơi dê-do là tiah mờ mpồl ling lơh pôs ling geh lơh niam wơl, lơh pa; geh uă hìu rơ[ah kơnờm mờ broă dong kờl phan tam, phan ròng, bal mờ broă bơto sồr bơh kuang bàng, cau ling tàm mpồl ling dê neh sơlèt mờ ală kal ke tàm rài kis… Mờ ală cồng nha neh geh, mpồl ling sền gàr tiah nhàr dà lơgar Sesa pơnyờ să 2 nam tơn geh dờp là mpồl ling lơh geh cồng nha, kuang bàng, cau ling tàm mpồl ling geh mpồl đơng lam ling klàng sền gàr tiah nhàr dà lơgar, bal mờ anih duh broă làng bol càr Kon Tum jàu sră jờng rơ.

        Cau cih mờ yal tơng^t Ndong Brawl