VOV4.K’ho – Ală ngai do, bal mờ ală mpồl cau ndai, mpồl ling sền gàr tiah nhàr lơgar càr Dak Lak gam jơh nùs mu\t lơh dùl ròt bal ală broă lơh, kờn sền gàr niam bơta lơngăp lơngai gùng dră bal, rơndăp tăp sèng ờdo ờdă gùt mpồl bơtiàn tàm tơngai geh lơh Pơrjum dờng cau ala mat gùt lơgar dơ\ XII bơh Đảng dê.

Tàm trồ tơngai duh tơ àl ngan, mpồl lòt sền sồ 01 bơh Pôs đồng ling sền gàr tiah nhàr lơgar Ia Rvê, di mpồl ling sền gàr tiah nhàr lơgar càr Dak Lak dê, soh phan ling klàng kơ\t che bu\t niam ngan, mu\t lơh kơnòl broă lòt sền tiah đah tô ù tiah [òn lơgar mpồl dê atbồ. Brê kròng kàl do ro kơnra` gơ jrùh jơh nha. Jùt dà pơrhàl gơ hòr tềng muh mat, Trung uý Lê Văn Trung atbồ phàu crong Pôs đồng ling sền gàr tiah nhàr lơgar Ia Rvê, đơs: “Kuang bàng, cau ling tàm mpồl tàm tơngai do là lòt sền tàm trồ ngai mơkung lòt sền tàm trồ mang sơl…Tàm bơta trồ tiah duh tơ àl ờ niam ngan den oh mi neh geh bơta dong kờl bơto pơlam mờ pơndờm pơnđiang nùs nhơm bồ tơngoh bơh Mpồl đơng lam atbồ Pôs đồng dê, mờ lơh ngan jơh nùs rơcang tam lơh kờn sền gàr niam gơnoar tờm lơngăp lơngai tiah nhàr lơgar dà lơgar, pơ gồp bơnah sền gàr geh cồng nha Pơrjum dờng Đảng dà lơgar kơnă 12”..

Đơs bè broă sơlơ lơh uă tai broă lơh sền gàr tiah nhàr lơgar, lơh geh cồng nha wèt tus Pơrjum dờng Đảng gùt lơgar kơnă 12, Thượng tá Đồng Văn Triệu kuang atbồ Pôs đồng ling sền gàr tiah nhàr lơgar Ia R’vê, pà gi\t: “Bol a` ai ală mpồl lơh broă atbồ sền gàr ngai kung bè mang, lòt sền ală tiah sền gàr tàm ală tiah kuơmàng. Tàm tiah lơh broă den ală mpồl lơh broă pơ gồp bal mờ kuang àng, cau ling griăp [òn, mpồl lơh sa sền gàr dà lơgar, mu\t lơh broă lơh jòi gi\t bơta gơbàn, lam lòt sền, sền gàr bơta lơngăp lơngai rơndăp tăp sèng ờdo ờdă tàm [òn lơgar. Broă lơh ờs mờng bơh bol a` dê là lơh uă tàm broă mu\t lơh broă rơndăp lơh ờs mờng gah lơh broă do dê, jòi gi\t atbồ ală cau; tàm anih lơh broă den lơh niam ală broă rơndăp lơh rơcang tam lơh; tàm tiah geh ngan neh lơh niam wơl tuah wàs gùng brong bơtô gah lơh broă ling klàng dê…Kuang bàng, cau ling tàm pôs đồng ling sền gàr tiah nhàr lơgar Ia Rvê neh lơh jat niam ngan kơnòl broă, iang nùs bồ tơngoh, mu\t lơh geh niam kơnòl broă sền gàr gơnoar tờm lơngăp lơngai tiah nhàr lơgar mờ rơndăp tăp sèng ờdo ờdă gùt mpồl bơtiàn tàm [òn lơgar”.

Broă lơh sền gàr niam ờdo ờdă bơta lơngăp lơngai gùng dră bal, rơndăp tăp sèng ờdo ờdă gùt mpồl bơtiàn neh geh mpồl ling sền gàr tiah nhàr lơgar mu\t lơh dùl ròt bal, làm jơh tàm ală tiah nhàr lơgar tàm càr Dak Lak. Đại uý Hoàng Ngọc Ân kuang jat jơng atbồ Pôs đồng ling sền gàr tiah nhàr lơgar Ea Hleo, đơs: “Mpồl ling neh lam lơh srơh tàm pơrlòng lơh geh cồng nha broă lơh tàm tu\ tơngai kuơmàng do, den ală kuang bàng, cau ling neh brồ guh nùs nhơm lơh jat is, sơrlèt gan kal ke, tàm bơta mpồl ling gam siău siar uă bơta, ù tiah [òn lơgar dờng, trồ tiah kàl prang, dà kal ke ngan, mơya oh mi neh lơh jat niam ală jơnau sồr bơh kơnă hơđang dê tàm broă sền gàr tiah nhàr lơgar”.

Đại tá Phạm Quang Hùng kuang atbồ Mpồl đơng lam Mpồl ling sền gàr tiah nhàr lơgar càr Dak Lak, đơs tờm, cau ling sền gàr tiah nhàr lơgar càr Dak Lak neh mờ gam mu\t lơh dùl ròt bal ală broă lơh dùl bă geh cồng nha, lơh ngan jơh nùs sền gàr niam bơta kơ\ kơl jăp gùng dră bal, ờdo ờdă mpồl bơtiàn tiah nhàr lơgar, pơ gồp bơnah drơng niam cồng nha lơh geh ai Pơrjum dờng Đảng gùt lơgar kơnă XII in: “Gah đơng lam mpồl ling sền gàr nhàr lơgar càr Dak Lak neh crơng gơs dùl mpồl chul chồl tam lơh, drơng tam lơh tàm tiah nhàr lơgar, bơh kuang jat jơng atbồ Mpồl ling sền gàr tiah nhàr lơgar càr mơkung là Kuang atbồ mpồl dong broă lòt sền tơl mpồl lơh broă, mơkung pơn jờng pơndờm pơnđiang ală kuang bàng, cau ling, di tu\ tam gơl broă lơh gơ in dipal mờ bơta geh ngan, sền gàr tiah nhàr lơgar kơ\ kơl jăp, sền gàr niam ờdo ờdă tàm ală mpồl ling, tàm tơngai kuơmàng jat di kơrnoat sồr bơh Gah đơng lam mpồl ling sền gàr tiah nhàr lơgar dà lơgar dê”.

Cau cih mờ yal tơngi\t- Lơ Mu K’ Yến