VOV4.K’ho- Lơh jăt kơnòl broă dơ\ le\ bal sền gàr gơnoar tờm ù tiah dà lơgar, lơngăp lơngai tiah nhàr lơgar dà lơgar dê mờ rcăng sơndră kòp Covid-19, tàm càr Kon Tum, Mpồl ling sền gàr tiah nhàr lơgar neh sơlơ tơnguh tai uă ngan mpồl cau kơryan jơh tơl gùng dềt, gùng pờ tàm jơh gùt gơl gùng tiah nhàr lơgar jòng rlau 292 kơi sồ rềp nhàr bal mờ 2 lơgar gơ\p bơyô Lào mờ Campuchia, mơkung sơlơ tơnguh tai broă lơh mblàng yal rcăng sơndră kòp Covid-19.

Kuang bàng, cau ling Pôs đồng ling sền gàr tiah nhàr lơgar Mpồng nhàr lơgar Dunia Bờ Y tus tàm tơl thôn, [òn mblàng yal rcăng sơndră kòp Covid-19

Tu\ do, Gah đơng lam mpồl ling sền gàr tiah nhàr lơgar càr Kon Tum neh crơng gơs 66 mpồl drơng gak bal mờ rlau 450 nă kuang bàng, cau ling tus bal sền gàr nàng kờ` tàm tiah lơi geh gùng dềt, gùng pờ tàm tiah hơ\ geh mpồl ling sền gàr tiah nhàr lơgar. Bơh ngai 1/8 pa do, Gah đơng lam Mpồl ling sền gàr tiah nhàr lơgar càr Kon Tum neh lam lơh jăt nhai lơh uă mblàng yal rcăng sơndră kòp Covid-19 tàm bơta gơbàn pa.

Dùl anih drơng gak rcăng sơndră kòp Covid-19 bơh Pôs đồng ling sền gàr tiah nhàr lơgar Sa Loong dê    

Jăt mờ hơ\, ală Pôs đồng Ling sền gàr tiah nhàr lơgar dùl ròt ai cau lòt lơh broă, ngui uă broă lơh mblàng yal hòi jà làng bol rcăng sơndră kòp Covid-19. Mờ kuang bàng, cau ling sền gàr tiah nhàr lơgar kung lòt tus tàm tơl thôn, [òn, mu\t tàm tơl mpồng hìu bơto pơlam làng bol ală broă lơh rcăng sơndră kòp, bè: yal bơta pràn kơldang să jan mờ cau lơh sơnơm in, pơn chèu glòm muh măt, ràu tê mờ dà s[ong, jùt ràu sàng goh anih ơm.

Cau mblàng Lơ Mu K’Yến